|
|
|
|
गृह मन्त्रालय कारागार ब्यबस्थापन बिभागको ५ करोड ९९ लाख ९२ हजार १ सय ८७ रुपैयाँ ३४ पैसाको नयाँ कारागार भबन निर्माण र अन्य सम्बन्धित संरचनाहरुको निर्माणका लागी स्विकृत गुरु योजना अनुसार उक्त भबन बन्न लागेको हो । नयाँ भबनको आज प्रमुख जील्ला अधीकारी दिपक काफ्लेले शिलान्यास गरेका थिए ।
गुरु योजना अनुसार जेल भबन,अफीसकम जेलर क्वाटर,सुरक्षा ब्यारेक ,सुरक्षा ब्यारेक क्यान्टीन,डिप बोरिङ,कम्पाउण्ड वाल र अन्य आबश्यकता अनुसारका साना संरचनाहरु निर्माण गर्ने लक्ष्य रहेको जेलर प्रमुख देबेन्द्र प्रकाश श्रेष्ठले बताए । पहिलो र दोश्रो चरण गरी निर्माण हुन लागेको कारागार अहिले दोश्रो चरणमा निर्माण कार्य सुरु भएको छ ।
२ करोड ४६ लाख १४ हजार ३ सय ६६ रुपैयाँ ५८ पैसाको लागत रहेकोमा श्री जयमाता ईन्जिनीयरीङ कन्स्ट्रक्सन प्रा.ली.पोखरीचौरी काभ्रेले १ करोड ८४ लाख ३५ हजार ७ सय ४२ रुपैयाँ ५७ पैसाको सम्झौतामा निमाण गर्ने जीम्मा लिएको छ ।
२०७२ साल जेठ ३१ गते निर्माण कार्य सुरु गरी २०७४ साल जेठ ३१ गते निर्माण सम्पन्न गर्ने सम्झौता भएता पनि गत बैशाखको भुकम्प र भारतले गरेको नाकाबन्दिको असरका कारण ढिला काम सुरु भएको कम्पनिका निर्माण ब्यबसायी टिका भण्डारीले बताए ।
नयाँ बन्ने संरचनामा अफीसकम जेलर क्वाटर,सुरक्षा ब्यारेक क्यान्टीन, भेटघाट कक्ष र गार्डेन रहेको जेलर प्रमुख श्रेष्ठले बताए । यो भन्दा पहिले कोशि एण्ड न्यौपाने जयमाता जेभी काठमाण्डौ ३१ पुतलीसडकले ठेक्का लिएर ४ करोड १२ लाख ६३ हजार ४ सय ८८ रुपैयाँ ४४ पैसाको सम्झौतामा कम्पाउण्ड वाल ,जेल भबन र डिप बोरिङ निर्माण गरिसकेको छ । नयाँ बन्ने संरचना भुकम्प प्रतिरोधात्मक हुने निर्माण ब्यबसायी भण्डारीले बताए । रमा पोख्रेल, तुलसीपुर अनलाइनबाट रमा पोख्रेल
Post a Comment