|
|
|
|
सल्यान रुकुमको प्रबेशद्धारमा रहेको कपुरकोट आसपासमा रहेका गर्पा,सिनबाङ,धनबाङ,रिम तथा रोल्पाका केही गाबिसका किसानले जेठ देखि मंसिर सम्ममा बेमौषमी तरकारी उत्पादन गर्ने गर्दछन् ।
आफुले उत्पादन गरेको तरकारीलाइ कृषि उपज बजार कपुरकोटले कपुरकोट हाटबजार ल्याउन र बिक्रि बितरण गर्न अनुरोध समेत गरेको छ । तरकारी खरिदका लागि नारायगढ,बुटवल,नेपालगञ्ज,धनगडी,दाङ लगायतका ब्यापारी कपुरकोट आइ सकेको कृषि उपज बजार कपुरकोटका अध्यक्ष शोभाकर शर्माले बताउनु भयो ।
सल्यानका किसानले बिशेष गरेर टमाटर,काउली,बन्दागोपी,भेडेखुर्सानी,सिमी,फर्सी,आलु लगायतका बेमौषमी तरकार उत्पादन गर्ने गर्दछन् । यस बर्ष समयमा नै पानी परेकाले किसानले अत्यधिक तरकारी खेती गरेको पाइएकाले पोहोर बर्ष भन्दा बढी तरकारी उत्पादन हुन सक्ने कृषि सेवा केन्द्र कपुरकोटका प्रमुख कमल रेग्मीले अनुमान गर्नु भयो ।
कपुरकोट हाट बजारबाट बर्षेनी ५ करोड भन्दा बढीको तरकारी निकासी हुने गर्दछ भने कपुरकोट आसपासका क्षेत्रमा सञ्चालन हुने एक दर्जन भन्दा बढि तरकारी बजारबाट करौडौ रुपैया बराबरको तरकारी निकासी हुने गर्दछ । सन्तोष घर्तीको फेसबुकबाट
Post a Comment