|
|
|
|
प्यूठानमा पहिलो पटक उक्त समितिले ‘एसी’ सेवा सहितको हायस संचालन गर्ने तयारी गरिरहेको जानकारी दिएको छ ।
पवित्र धार्मिक एवं पर्यटकीय तिर्थस्थल स्वर्गद्धारी र सदरमुकाम खलंगादेखि दुइवटा रुटबाट हायस संचालनको तयारी अन्तिम चरणमा पुगेको छ । निकट भविस्यमै सुविधा सम्पन्न यातायात सेवा प्रदानगर्ने लक्ष्य सहित थालिएको अभियानले जिल्लामा पर्यटक भित्र्याउन र प्यूठानको महत्व देशव्यापी वनाउन सहयोग पुग्ने अपेक्षा गरिएको छ ।
समितिका अनुसार हायस संचालन गर्ने व्यवसायीहरुका लागि समितिले विहिवारदेखि १५ दिनको अवधि राखेर इच्छुक व्यवसायीलाई प्रवेश खुल्ला गरिसकेको छ । समितिका महासचिव चन्द्रमान श्रेष्ठका अनुसार चैत २५ गतेसम्म उक्त सुविधा प्रदान गरिने छ ।
समितिको कार्यालय जुम्रिमा आयोजित पत्रकार भेटघाट कार्यक्रममा उनले भने,‘वैशाख अन्तिमसम्म दुवै रुटहरुबाट हायस संचालन हुनेछ ।’ पछिल्लो समय यात्रुहरुबाट हायस संचालन गर्ने माग आएकाले समितिको चैत ७ गते सम्पन्न भेलाबाट सेवा संचालन गर्ने निर्णय गरिएको समेत उनले जानकारी गराए ।
उनका अनुसार हायस संचालन गर्ने व्यवसायीहरुका लागि दर्ता शुल्क दुईलाख रुपैयाँको रकम निर्धारण गरिएको छ । ‘टोकन बुक’ गर्दा दर्ता शुल्कको २५ प्रतिशत रकम जम्मा गर्नुपर्ने प्रावधान राखिएको पत्रकार सम्मेलनमा जानकारी दिइएको छ ।
काठमाण्डौँका लागि नियमित हायस संचालन पश्चात पर्यटकीय तिर्थस्थल स्वर्गद्धारीको पर्यटन प्रवद्र्धनमा थप टेवा पुग्ने आशा गरिएको महासचिव श्रेष्ठले बताए । तर दुवै रुटबाट काठमाण्डौँ यात्रा गर्ने यात्रुहरुले एसी सहितको हायस संचालनमा भएमा हाल कायम रहेको भाडादरमा २० प्रतिशत रकम बढी तिर्नुपर्ने जानकारी दिइएको छ ।
सदरमुकाम खलंगादेखि १ हजार २९ रुपैयाँ र स्वर्गद्धारीदेखि १ हजार १ सय ७६ रुपैयाँ भाडा कायम गरिने पत्रकार सम्मेलनमा जानकारी दिइएको थियो । नियमित रुपमा यातायात संचालन गर्नका लागि भिंगृ–स्वर्गद्धारी कच्ची सडकको स्तरोन्नती गरेको खण्डमा प्यूठानको यातायाता सेवा थप सुगम बन्ने र त्यसवाट पर्यटन प्रवद्र्धनमा टेवा पुग्ने अपेक्षा गरिएको छ । केशर रोका, तुलसीपुर अनलाइनबाट साभार
Post a Comment