|
|
|
|
तुलसीपुर १९ -चैत । हायस दुर्घटना हुँदा दाङ तुलसीपुर निवासी तीन जना यात्रु घाईते भएका छन् । तुलसीपुरवाट नेपालगंज तर्फ जाँदै गरेको बा २ ख १३४७ नम्बरको हायस शुक्रवार विहान साढे ६ बजेरित अमेलिया भन्दा ५ किमि उत्तरको मोडमा दुर्घटनामा परेको हो ।
ईलाका प्रहरी कार्यालय तुलसीपुरका अनुसार उक्त दुर्घटनामा परि तुलसीपुर ६ निवासी ४० वर्षका आषिश डाँगी र तुलसीपुर ९ का ३६ वर्षीया धना पौडेल र ९ वर्षका संरचना पौडेल घाईते भएका छन् । घाईतेहरुको हातखुट्टा र टाउकोमा चोट लागेपनि अवस्था भने सामान्य रहेको प्रहरीले बताएको छ ।
घाइते तीनै जनालाई उपचारको लागि कोहलपुर तर्फ लगिएको छ । हायसको ब्रेक फेल भएका कारण उक्त दुर्घटना भएको थियो । प्रहरीका अनुसार ब्रेक फेल भएपछि चालकले गाडीलाई भित्तामा ठोकेर ठूलो दुर्घटना हुनवाट जोगाएका थिए । तुलसीपुर अनालाइनबाट
Post a Comment