पहिलो पटक दाङ, रुकुम र सल्यानको योङस्टारविच मैत्रिपुर्ण क्रिकेट हुने !

रुकुम ५ बैशाख । पहिलो पटक सल्यान, रुकुम र दाङको योङ स्टार युवाक्लव विच मैत्रिपुर्ण क्रिकेट प्रतियोगीता हुने भएको छ । नयाँ वर्षको अवसर पारी भोली बैशाख ६ देखी ९ गतेसम्म जिल्ला क्रिकेट संघ सल्यानको आयोजनामा “फस्ट टि–२० न्यु इयर ट्रफि” हुन लागेको हो ।

सल्यानलाई खेलमा स्थापित गर्ने तथा सल्यान, रुकुम र दाङको क्रिकेट विकासमा टेवा पु¥याउने उद्ेश्यले आयोजित प्रतियोगीता खलंगा स्थित त्रिभुवन जनता माविको लुहापिङ मैदानमा हुने जिल्ला क्रिकेट संघ सल्यानका अध्यक्ष सविन हमालले जानकारी दिए ।

पहिलो पटक आयोजना गरिएको त्रिपक्षिय मैत्रिपुर्ण क्रिकेट प्रतियोगीता त्यस क्षेत्रको क्रिकेट विकासमा कोशेढुंगा सावित हुने अध्यक्ष हमालले विश्वास व्यक्त गरे । खेल मैत्रीपुर्ण भनिएपनि पुरस्कारको व्यवस्थाका लागी पहल भैरहेको बताईएको छ । प्रतियोगीता संचालनका लागी विभिन्न बैंक, गैरसरकारी संस्था, यातायात व्यवशायी, जिल्लाका उद्योगी, व्यापारी लगाएतले सहयोग गर्ने प्रतिबद्धता जनाएका छन् । त्यस्तै रुकुमको समृद्ध समाज नेपालले पनि प्रतियोगीताका लागी सहयोग गर्ने छ ।

प्रतियोगीताको तयारी अन्तिम चरणमा पुगेको आयोजक सल्यान क्रिकेट संघले जनाएको छ । यसैविच प्रतियोगीतामा सहभागीताका लागी तयारी भैरहेको रुकुम क्रिकेट संघले जनाएको छ । खेलाडी छनौट देखी अन्य तयारी अन्तिम चरणमा पुगेको अध्यक्ष दिपक बाँठाले जानकारी दिए । जिल्ला स्तरिय क्रिकेट टोलीको घोषणा भएमा यो नै जिल्लाका खेलाडीहरुको सहभागीतामा घोषणा हुने पहिलो क्रिकेट टिम हुने छ । -मनिष खड्का, khabartokariबाट

Disclaimer: Please note, this is only video embeding web Page. All of these videos found here from 3rd party video hosting sites such as YouTube.Com, Vimeo.Com, DailyMotion.Com, Blip.Tv, We do not host any videos. Please contact to appropriate video hosting site for any video removal.Please keep watching Hot Video News..