|
|
|
|
 |
| फाइल तस्बिर |
पुल निर्माणका लागि स्थानीयहरु दुई भागमा बाँडिएपछि समस्या उत्पन्न भएको छ । पञ्चकुलेको वडानम्वर ६ र ८ को बीचमा रहेको बबई नदीमा पक्की पुल निर्माणका लागि सर्वे भएर माटो परिक्षण हुने समयमा विवाद आएको कृष्णपुरका स्थानीयबासी टीका घर्तीले जानकारी दिनुभएको छ । घर्तीले बेलासपुर र कृष्णपुरको बीचमा पुल निर्माण गर्न सबैमा आग्रह गर्नुभएको छ ।
साथै अर्को पक्षले मठेउरा र ढोलपुरको बीचमा रहेको बबई नदीमा पुल निर्माण गर्न आग्रह गरेको छ । मठेउराका स्थानीयबासी प्रमोद बस्नेतले माथिल्लो स्थानबाट पुल निर्माण भएमा धेरै फाइदा हुने बताउनुभएको छ । सडक निर्माण गरेर भए पनि माथिबाट नै पुल निर्माण गर्नुपर्ने बताउनुभयो । तर, टीका घर्तीले तलबाट पुल निर्माण गर्नुपर्ने उपयुक्त हुने बताउनुभयो । तलबाट सडक निर्माण पहिले नै भइसकेकाले पुल निर्माण पनि सहज हुने बताउनुभयो ।
माथिको एक समूहले पुल निर्माणका लागि सडक निर्माण गरेको बताएको छ । साथै तल्लो क्षेत्रमा झुलुङ्गे पुल भएकाले त्यहाँ अर्को पुलको आवश्यकता नपर्ने दावी गर्दै आएका छन् । साथै पुल निर्माणका लागि विकल्प खोज्न पनि आग्रह गरिएको छ । तर, पञ्चकुले गाविसको सर्बदलीय बैठकले पुल निर्माणमा विवाद नगर्न आग्रह गरेको छ ।
दलका नेताहरु राजधानी
पुल विवादलगायतका विषयमा ध्यानाकर्षण गराउन स्थानीय राजनीतिक दलका नेताहरु राजधानी गएका छन् । नेपाली काँग्रेसका सभापति रुद्रबहादुर डाँगी, टीका घर्ती, नेकपा एमालेका अध्यक्ष जगतबहादुर बस्नेत, एकीकृत नेकपा माओवादीका अध्यक्ष रमेश चौधरी, राप्रपा नेपालका बेगमान डाँगी राजधानी पुग्नुभएको छ । dangkhabarबाट
Post a Comment