|
|
|
|
चैत ११, रुकुम । २ वर्षको निरन्तरत प्रायस पछि आज रुकुमको चौरजहारी अस्पतालले भेरी नदिको पानी मोटर मार्फत अस्पतालमा तानेको । गर्मीयाम सुरुभए संगै चौरजहारी अस्पतालमा खानेपानीको चरम अभाव पर्नथाले पछि वाटर पम्प मार्फत अस्पतालमा पानी आपुर्ति गरीएको हो ।
नदि वाट १ सय ७० मिटरको उचाईमा रहेको अस्पताल परिसरमा पानी आपुर्ती गरीएको छ । भेरी नदिको पानी पम्प गर्नको लागी ईटालियन कम्पनिको ११ हर्जको वाटर पम्प प्रयोग गरीएको अस्पतालका प्राविधिक अमृत नेपालीले जानकारी दिनुभयो । भेरी नदिमा वाटर पम्प डुवाएर जेनेरेटरको सहायताले पानी पम्प गरीएको हो ।
९० एम.एमको पाईपमा पम्प हुने पानी १ मिनेटमा २ हजार लिटर भण्डारन हुने अस्पतालले जानकारी दिएको छ । वाटर पम्पको लागी करिव २० लाखको लागतमा अतिआधुनिक सामाग्रीहरुको प्रयोग गरिएको वताईएको छ । दैनिक १ सय देखि १ सय ५० जना सम्म विरामी आउने अस्पतालमा गर्मीयाम सुरुभए संगै वर्षेनी खानेपानीको अभाव हुने गरेको थियो ।
नदि वाट पानी पम्प कार्य सफल भए संगै अस्पतालमा आउने विरामी तथा स्टाफहरुका लागी नुहाउन ,लत्ताकपडा ,वेड सिट धुन पिउन , र ,सर्जिकल सामाग्रीहरु सफा गर्नको लागी सहज हुनेभएको छ । मौसम अनुसार भेरीनदिको पानी पिउन योग्य नभएता पनि टंयाङकीमा जम्मा गरेर थिग्राउने र केमिकलको प्रयोग गरी पानी पिउन योग्य वनाउने लक्ष्य राखिएको अस्पतालका प्रशाशक डिल वहादुर गिरीले जानकारी दिनुभयो ।
तत्काल भेरी नदिको पानी पम्ंपीगं सिस्टम लाई व्यवस्थित वनाएर स्थानिय समुदाय लाई समेत पानी आपुर्ति गर्ने लक्ष्य राखिएको अस्पतालले वताएको छ । चौरजहारी आसपासमा खानेपानी मुहान प्रयाप्त नहुदा यस क्षेत्रमा खानेपानीको अभाव हुने गरेको थियो । स्थानिय टिटेखर्कमा रहेको खानेपानी जनसंख्याको अनुपातमा प्रयाप्त नहुदा चौरजहारीमा अवस्थिति व्यापार व्यवसायी शिक्षण संस्था,कलकारखाना,उदोग धन्दा लगाएत संघ संस्थाहरु खानेपानीको अभावमा पर्दैआईरहेका छन । चौरजहारी अस्पतालमा दैनिक ५० हजार लिटर पानीको आवाश्यकता पर्ने गरेको छ ।
वैकल्पिक विधिको रुपमा चौरजहारीको विभिन्न ५ ठाउँमा वाटर पम्पको प्रयोग गरी भेरी नदिको पानी पम्पीङ्ग गरेको खण्डमा यस क्षेत्रमा वर्षेनी हुने खानेपानीको समस्या लाई टार्न सकिने स्थानिय वुद्धिजीवीहरुको ठहर छ । पानी चौरजहारीमा तानिए पछि स्थानीयहरुले चौरजहारी अस्पताललाई आफुहरु अचम्ति हुदै धन्यवाद दिएका छन । -गोपाल रेग्मीको सहयोगमा
Post a Comment