|
|
|
|
२७ वैशाख, काठमाडौं । एकीकृत नेकपा माओवादी र नेकपा क्रान्तिकारी माओवादीको बादल समूहबीच जेठको पहिलो साता पार्टी एकता हुने भएको छ ।
दुबै पक्ष एकताको अन्तिम तयारीमा जुटेका छन् । आइतबार राति अबेर प्रचण्ड र बादलसहितको टीमबीच वार्ता भएको छ । दुबै पक्षवीच सांगठनिक र राजनीतिक विषयमा साझा धारणा बनाउने प्रयास भइरहेको एक उच्च नेताले जानकारी दिएका छन् । बादलसँग भएको छलफलका आधारमा एकताबारे निर्णय गर्न एमाओवादीको बैठक सोमबार पुनः बस्नेछ ।
दुबै पक्ष एकताको अन्तिम तयारीमा जुटेका छन् । आइतबार राति अबेर प्रचण्ड र बादलसहितको टीमबीच वार्ता भएको छ । दुबै पक्षवीच सांगठनिक र राजनीतिक विषयमा साझा धारणा बनाउने प्रयास भइरहेको एक उच्च नेताले जानकारी दिएका छन् । बादलसँग भएको छलफलका आधारमा एकताबारे निर्णय गर्न एमाओवादीको बैठक सोमबार पुनः बस्नेछ ।
बैद्य माओवादीका महासचिव बादलले भने मंगलबार केन्द्रीय समितिको बैठक बोलाएका छन् । पार्टी अध्यक्ष मोहन बैद्यले पार्टी एकतालाई टार्ने प्रयासमा बैठक नै नबोलाएपछि बादल बहुमतका आधारमा निर्णय गर्ने अघि बढेका छन् ।
पार्टीका बहुमत सदस्य एकताको पक्षमा देखिएपछि बैद्यले एक महिनाका लागि केन्द्रीय समितिको बैठक स्थगित गरेका थिए । तर, महिना दिनको भाका कट्दा पनि बैद्यले बैठक बोलाएनन् । अब बादल बहुमतका आधारमा निर्णय गरेर प्रचण्ड नेतृत्वको एकीकृत नेकपा माओवादीसँग पार्टी एकता गर्ने तयारीमा जुटेका छन् ।
‘भोलि केन्द्रीय समिति बैठक बोलाइएको छ । पार्टी एकताबारे निर्णय हुन्छ’ एकता पक्षधर नेता रामदीप आचार्यले अनलाइनखबरसँग भने । सचिव देव गुरुङले अन्तिम समयमा बादललाई साथ दिएका छन् । अध्यक्ष मोहन बैद्यसहित उपाध्यक्ष सीपी गजुरेल, नेताहरु हरिभक्त कँडेललगायत भने प्रचण्ड माओवादीसँग एकता नगर्ने पक्षमा उभिएका छन् ।
स्रोतहरुका अनुसार बादलले बहुमतबाट र एमाओवादीले पार्टीबाट निर्णय गरेपछि एकता घोषणाका लागि मात्र बाँकी रहेनछ । एमाओवादीका एक उच्च नेताले भने, दुबै केन्द्रीय समितिलाई मिलाएर जेठ पहिलो साता पार्टी एकताको घोषणा हुन्छ । -onlinekhabarबाट साभार
Post a Comment