|
|
|
|
सन्तोषकुमार गुप्ता/बैशाख २५, दाङ । नेपाल यातायात व्यवसायी राष्ट्रिय महासंघ राप्ती अञ्चल समिति तुलसीपुर दाङले आक्रमणमा सम्लग्न प्रहरीलाई कारवाहीको माग गरेको छ ।
अञ्चल संयोजक भरत नाथ योगीले एक विज्ञप्ति प्रकासित गरी यातायात व्यवसायीका विच यातायात सेवा संचालनका लागि उत्पन्न केही असमझदारी देखिएकोले उक्त विवाद समाधानका लागि गएका जिम्मेवार पदाधिकारीमाथि निर्मम तरीकाले आक्रमण गरिएको आरोप लगाएको छ ।
अञ्चल संयोजक भरत नाथ योगीले एक विज्ञप्ति प्रकासित गरी यातायात व्यवसायीका विच यातायात सेवा संचालनका लागि उत्पन्न केही असमझदारी देखिएकोले उक्त विवाद समाधानका लागि गएका जिम्मेवार पदाधिकारीमाथि निर्मम तरीकाले आक्रमण गरिएको आरोप लगाएको छ ।
अञ्चल संयोजक योगीद्धारा जारी विज्ञप्तिमा, राप्ती अञ्चल सार्वजनिक यातायात व्यवसायी समितिका अध्यक्ष सुरेश हमाल, वरिष्ठ उपाध्यक्ष एवं अञ्चल संयोजक भरतनाथ योगी, समितिका सदस्यहरु विरेन्द्र खत्री, भिमसेन लहरे लगायतका व्यक्तिलाई प्रहरीले अनाहकमा सांघातिक आक्रमण गरी शख्त घाइते बनाएको उल्लेख छ ।
ईलाका प्रहरी कार्यालय तुलसीपुरका प्रमुख एवं प्रहरी नायव उपरिक्षक कृष्ण प्रशाँईको ठाडो आदेशमा तुलसीपुरको विरेन्द्र चोक नजिकै प्रहरी निरिक्षक सन्तोष रोकाले ‘यही मौका हो ठोक’ भनेपछी विवाद मिलाउन भनि राप्ती समितिका अध्यक्ष हमाललको नेतृत्वमा गएका पदाधिकारीहरुलाई प्रहरीले सांघातिक आक्रमण गरेको विज्ञप्तिमा आरोप लगाइएको छ । सुरक्षाको जिम्मेवारी बोकेका प्रहरीले नै अनाहकमा आक्रमक ढंगले छानिछानी लाठी बुट समेतले आक्रमण गरि घाईते बनाएको प्रति कडा शब्दमा आपत्ति जनाइएको छ ।
विज्ञप्तिमा भनिएको छ ‘सुरक्षाकर्मीले स्वएं सुरक्षाकर्मीको भूमिका नर्विह नगरी कसैको ईशारामा रक्षक नै भक्षक भई आक्रण गर्नु कानुनी राज्यको उपहास र मानव अधिकार प्रतिको घोर उलंघन हो ।’ तत्काल त्यस्ता प्रहरीलाई कारवाही नभएसम्म अत्यावशेक सवारी साधन वाहेक राप्ती अञ्चल अन्तरगत संचालन हुने सबै प्रकारका सवारीका साधन अनिश्चित कालका लागि संचालन नगरी चक्काजाम गर्ने जनाइएको छ । चक्का जामवाट यात्रुवर्गमा पर्न जाने असुविधा प्रति क्षमायाचना समेत मागिएको छ ।
हमालमाथि भएको हमलाको सर्वतत्र बिरोध
तुलसीपुर उद्योग वाणिज्य संघ, राप्ती अञ्चल सार्वजनिक यातायात व्यवसायी समिति कर्मचारी यूनियन, नेपाल यातायात स्वतन्त्र मजदुर संगठन जिल्ला कमिटी तुलसीपुर दाङ लगाएतका संघ संस्थाले राप्ती समितिका अध्यक्ष हमाल लगायतका पदाधिकारीहरु माथि भएको प्रहरी आक्रमणको निन्दा गरेका छन् ।उनीहरुले विज्ञप्ति प्रकासित गरेर प्रहरी प्रशासनले अनावश्यक वल प्रयोग गरेर सांघतिक आक्रमण गरेको आरोप लगाउँदै आक्रमणगर्नेहरुलाई कारवाहीको माग गरेका छन् ।
तुलसीपुर उद्योग वाणिज्य संघका अध्यक्ष विमल रिजाल, राप्ती अञ्चल सार्वजनिक यातायात व्यवसायी समिति कर्मचारी यूनियनका अध्यक्ष मिन प्रकास शर्मा ( प्रकाश भट्ट) र सचिव तिलक योगी, नेपाल यातायात स्वतन्त्र मजदुर संगठन जिल्ला कमिटी तुलसीपुर दाङका अध्यक्ष चुडाबहादुर विक लगाएतले दोषी प्रहरीलाई कारवाहीको माग गरेका छन् ।
त्यस्तै राप्ती अंचल ट्रक समितिका अध्यक्ष उमेश मजगैंया, तुलसीपुर ट्रेक्टर व्यवसायी समितिका अध्यक्ष चिन्तामणि आचार्य, अम्मेविकेश्वरी समितिका अध्यक्ष ज्ञानवहादुर बस्नेत लगाएतले घटनाको निन्दा गर्दै दोषी उपर कारवाहीको माग गरेका छन् । साथै उनीहरु सबैले राप्ती समितिले गरेको सबै खाले विरोधका कार्यक्रमहरु प्रति ऐक्यवद्धता व्यक्त गरेका छन् ।
सम्मेमता प्रदशन गर्न आग्रह
पत्रकार सम्मेलनमा सहभागी पत्रकारहरुले भने सम्मेमता प्रदशन गर्न र चक्का जाम खोल्न आग्रह गरेका थिए ।
उनीहरुले सर्वसाधरण यात्रुको सुविधालाई मध्यनजर गर्दै चक्का जाम खोलेर सम्वाद मार्फत उत्पन्न समस्याको समाधान खोज्न अपिल गरेका थिए ।
प्रशासनको रोहवरमा वार्ताको तयारी
वन्द यातायात खुलाउन र उत्पन्न विवाद समाधानको वारेमा छलफलका लागि प्रहरीले प्रयास थालेको छ ।
राप्ती अञ्चल प्रहरी कार्यालय राप्ती तुलसीपुरमा राप्ती समिति र मालिका कालिका प्रालिका पदाधिकारीलाई बसाएर उत्पन्न विवादको समाधानको प्रयास खोज्न लागिएको हो । समितिका विचमा विवाद उत्पन्न भएपछी जिल्ला प्रहरी प्रमुख कुवेर कडायत पनि तुलसीपुर आएर समस्या समाधानको प्रयासमा लागेका छन् ।
अञ्चल प्रहरी प्रमुख प्रेम चन्दको रोहवरमा अहिले केही वेरमा अञ्चल प्रहरी कार्यालयमा वार्ता हुने जिल्ला प्रहरी प्रमुख कडायतले जानकारी दिएका छन् ।
Post a Comment