|
|
|
|
नारायण खड्का, तुलसीपुर ३०, वैशाख । ग्वारखोलामा पुल निर्माणको काम धमाधम भइरहेको छ । पुकार पसल देखि डुरुवा र मानपुर गाविसालाई जोड्ने उक्त पुल राप्ती कै लामो पुल मानिन्छ ।
निर्माण सुरु भएको मितिले तीन वर्ष भित्र काम सक्ने गरी कालिका रसुवा एलाईट जेभीले पुल निर्माणको काम गरिरहेको छ । दुई सय मिटर लम्वाई र १२ मिटर चौडाईको पुल निर्माणको काम गत फागुन २४ गते देखि सुरु गरिएको थियो ।
पुलका पाँचवटा पिलर मध्ये हाल सम्म ३ वटा पिलरको (फाउन्डेसन) जमिन मुनीको काम पुरा भइसकेको छ भने अवको दुई हप्ता भित्रै थप २ वटा पिलरको फाउन्डेसनेको काम पनि पुरा हुने पुलका कन्ट्रक्सन म्यानेजर रामेश्वर रिजालले जानकारी दिए ।
म्यानेजर रिजाललका अनुसार पाँचवटा पिलरको जमिन मुनीको काम सकिएपछि पुलको ३५ प्रतिसत निर्माण कार्य पुरा हुने छ । उनले यही गतिमा पुल निर्माण कार्यले तिव्रता पाएको खण्डमा निर्धारित समय भन्दा धेरै पहिले पुल निर्माण कार्य पुरा हुने बताए ।
नेपाली काँग्रेसका नेता एवं सांसद डिल्लीबहादुर चौधरी, काँग्रेस क्षेत्र नं. ४ का क्षेत्रीय सभापति जगतवहादुर खड्का लगायत नेता तथा पत्रकारहरुको अनुगमन टोलिलाई बुधवार कन्ट्रक्सन म्यानेजर रिजालले उक्त कुरा जानकारी दिएका हुन । तुलसीपुर अनलाइन
Post a Comment