|
|
|
|
६ हजार २५ मेटिक्टन सुन्तला जिल्ला बाहिर निकासी भएको जिल्ला कृषि विकास कार्यालयका योजना शाखाका प्रमुख पृथ्वीराज लामिछानेले जानकारी दिए । उनले भने यो वर्ष ६ हजार २५ मेटिक्टन सुन्तला जिल्ला बाहिर निकासी भएको छ, गत वर्ष भन्दा यो वर्ष ८ दशमलव १ प्रतिशतले निर्यात परिणाम बढेको छ । कार्यालयका अनुसार सुन्तला उत्पादनका लागि अनुकुल वातावरण, रोगको नियन्त्रण हुनु तथा असिना नपरेपछि गतवर्ष भन्दा यो वर्ष सुन्तलाको उत्पादन बढेको छ ।
गत वर्षभन्दा २१ दशमलव ६४ प्रतिशतले आयमा बृद्धि गर्न किसानहरु सफल भएको लामिछानेले जानकारी दिए । उनका अनुसार अनुकुल वातावरण र बगैचा व्यवस्थापन गरिएका कारण पनि उत्पादनमा वृद्धि भएको हो ।
उनले भने किसानहरुको कृषिमा आर्कषण बढ्दै जानु, अनुकुल वातावरण हुनु तथा वगैंचा व्यवस्थापन गरिएका कारण गतवर्ष भन्दा यस वर्ष २१ दशमलव ६४ प्रतिशतले आयमा वृद्धि भएको छ । जिल्लाका वागचौर नगरपालिका,शारदा नगरपालिका, जिमाली, फलावांग लगायतका क्षेत्र सुन्तलाको लागि पकेट क्षेत्र मानिएको छ । सुन्तला खेतीमा भविश्य मानिने भएपछि किसानहरु बढि उत्साहित भएका छन् ।
बाझो भनेर केही नगरी छाडिएका जमिनमा पनि सुन्तलाका वेर्ना लगाएर सुन्तला खेती गर्न थालेपछि कृषक सुन्तला खेतीमा आकर्षित भएको वरिष्ठ कृषि अधिकृत टेक प्रसाद लुइटेलले जानकारी दिए । जिल्लामा १ हजार ३ सय ३० हेक्टर क्षेत्रफलमा सुन्तला खेती हुदै आइरहेको छ ।
Post a Comment