|
|
|
|
उनको यौनी व्लेड वा धारिलो औजारले काटेको जस्तो देखिएको र त्यसवाट उनको अत्यधिक रक्तस्राव भएको हुन सक्ने आशंका उपचारमा संलग्न चिकित्सकले पनि गरेका प्रहरीले बताएको छ । बैशाख १५ गते राति घरमा सुतिरहेकी किशोरीलाई अपरिचित युवाहरुले बलात्कार गरेको भन्ने जाहेरी पिडित पक्षले दिएको ईलाका प्रहरी कार्यालय तुलसीपुरका प्रमुख एवं डिएसपी कृष्ण प्रसाँईले जानकारी दिए ।
तर किशोरीले पहिला चिनजानका व्यक्तिलाई घरमा प्रवेश दिएपछि अन्य यूवाहरु पनि घुसेको हुनसक्ने र उनीहरुले नै बलात्कार गरेकी भन्ने आशंका व्यक्त गरेको छ । त्यही क्रममा किशोरीले प्रतिरोध गरेपछि युवाहरुले व्लेड वा धारिलो औजारे उनको यौनी चिरेको हुन सक्ने आशंका व्यक्त गरिएको छ ।
घटनाको १४ दिन पछि मात्रै किशोरीको बलात्कार भएको प्रहरीले जानकारी दिएको हो । यसअघि प्रहरीले बलात्कार भन्दापनि अबैद्य गर्भ फाल्न ती किशोरीले औषधी खाँदा बढी ब्लडिङ भएको हुन सक्ने आशंका व्यक्त गरेको थियो । तर किशोरीका बाबु छिमेकी देश भारतवाट आएर आफ्नी छोरीमाथि बलात्कार भएको किटानी जाहेरी दिएपछि प्रहरीले स्थानीय एकजना युवालाई पक्राउ गरेर अनुसन्धान सुरु गर्दा बलात्कार भएको खुल्न आएको प्रहरीले बताएको छ ।
१५ गते मध्यरातमा १८ वर्षीया किशोरी माथि दुई/तीन जना युवाले बलात्कार गरेको खबर पाएलगतै प्रहरीले ती युवतीको उद्धारगरी राप्ती अञ्चल अस्पतालमा उपचार गराएको थियो । उनको अत्यधिक रक्तस्राव भएको हुँदा सुरुमा प्रहरीले ती किशोरीले अबैद्य गर्भ फाल्न औषधी खाइनकी भन्ने आशंका व्यक्त गरिएको थियो ।
तर डाक्टरले किशोरीको यौनीमा धारिलो औजार वा व्लेडले चिरेको जस्तो घाउ देखिएको बताएपछि सोही कारणले उनको अत्यधिक रक्तस्राव भएको हुनसक्ने आशंका गरिएको छ । घटनामा संलग्न अन्य युवाहरुको थिए भन्ने खुल्न नसकेको र घटानावारे थप अनुसन्धान जारी रहेको प्रहरीले बताएको छ ।
Post a Comment