दाङमा १ सय २० वटा द्धन्द्धकालिन उजुरी दर्ता

घोराही, २८-बैशाख। दाङमा द्वन्द्वको समयमा भएका घटनाको अहिले सम्म १ सय २० वटा उजुरी दर्ता भएका छन् । स्थानीय शान्ति समितिको कार्यालय मार्फत् जारी उजुरी संकलनमा सत्य निरुपण तथा मेलमिलाप आयोग तर्फ ९५ र वेपत्ता छानविनमा २५ वटा उजुरी दर्ता भएका हुन्

बेपत्ता, घाईते, अपांग, विस्थापित, सम्पती क्षति, अपहरण, हत्या र बलात्कारसम्बन्धी उजुरी परेको स्थानिय शान्ति समिति दाङले जनाएको छ । एक वर्ष अघि गठन भएको आयोगले बैशाख ५ गते देखी सुरुगरेको उजुरी संकलन आगामी असार दुई गतेसम्म जारी राख्ने छ ।

आयोगले २०५२ साल फागुन १ देखि २०६३ मंसिर १ गतेसम्म भएको शसस्त्र द्वन्द्वको समयको मात्र उजुरी लिने जनाएको छ । शान्ति समितिको तथ्यांक अनुसार जिल्लामा १ सय ३९ जना बेपत्ता छन् ।

यसैगरी ६ सय १९ जनाको मृत्यु, ८ सय २७ को अपहरण, ५ सय ८६ घाइते अपांग र ९ सय ६९ विस्थापित भएका छन् । यस्तै ९ सय ४६ को सम्पत्ति क्षति, ७ जना टुहुरा, १ सय ९१ कैद हिरासत र २ जनाको सम्पत्ति कब्जा छ । tulasipuronlineबाट

Disclaimer: Please note, this is only video embeding web Page. All of these videos found here from 3rd party video hosting sites such as YouTube.Com, Vimeo.Com, DailyMotion.Com, Blip.Tv, We do not host any videos. Please contact to appropriate video hosting site for any video removal.Please keep watching Hot Video News..