विप्लवको गोप्य सर्कुलरर, यीनलाई बाँकी नराख्नु, जिम्मा मेरो

बैशाख २६, काठमाडौं । माओवादीको मूल नेतृत्वले क्रान्तिलाई धोका दिएको भन्दै सशस्त्र संघर्षको तयारीमा होमीएको दाबी गर्दै आएको विप्लव नेतृत्वको नेकपा माओवादीले आफ्ना नेता तथा कार्यकर्तालाई गोप्य सर्कुलर जारी गरेको खुलासा भएको छ ।

सर्कुलरमा दलाल, भ्रष्ट, तस्कर नेता, कर्मचारी तथा राजनीतिक दलका नेता–कार्यकर्तालाई नछाडिकन कारबाही गर्न भनिएको छ । विप्लव माओवादी स्रोतका अनुसार, जारी गरिएको गोप्य सर्कुलरमा दलाल, भ्रष्ट, तस्करहरुले देशलाई खोक्रो गराएको उल्लेख गर्दै उनीहरुलाई कारबाही गर्न निर्देशन दिइएको छ ।

विप्लव माओवादीका एक नेताका अनुसार, पहिलो चरणमा सुध्रनका लागि सचेत गराइने र त्यसो गर्दा पनि अटेरी गर्नेलाई कालोमोसो दल्ने निर्देशन पार्टी नेतृत्वले दिएको छ । स्रोतका अनुसार पहिलो चरणमा शैक्षिक माफियाहरुलाई कारबाही गर्न निर्देशन दिइएको छ ।

छिट्टै सशस्त्र संघर्ष गर्ने तयारीमा रहेको भनिएको यो पार्टीले यसरी प्रतिकात्मक रुपमा कारबाही गर्दा पनि नसुध्रिएमा पछि थप कारबाही गर्ने योजना बनाएको स्रोतको दाबी छ । पार्टीको यस्तै सर्कुलर अनुसार विप्लव माओवादीका कार्यकर्ताले केही जिल्लामा कारबाही थालेका छन् । nepalsandesबाट साभार

Disclaimer: Please note, this is only video embeding web Page. All of these videos found here from 3rd party video hosting sites such as YouTube.Com, Vimeo.Com, DailyMotion.Com, Blip.Tv, We do not host any videos. Please contact to appropriate video hosting site for any video removal.Please keep watching Hot Video News..