|
|
|
|
जसले गर्दा यात्रुहरुलाई समयमै गन्तब्यमा पुग्न समस्या भैरहेको छ । दाङबाट रुकुम आउन अन्य समयमा ५ घण्टा लाग्ने गरेको भएपनि सडक बिग्रीदा ५ दिन समेत लाग्ने गरेको छ । यात्रुहरु कोहि हिडेरै गन्तब्यमा पुग्ने गरेको भएपनि मालबाहक सवारीसाधननहरु भने लामो समयसम्म उक्त क्षेत्रमा नै शास्ती भोग्ने गरेका छन ।
रुकुम सल्यान दाङ सडक खण्ड ओटाशिल भएको भएपनि थारेमारे स्थित ठिनाबाङ खोला नजिक सडक माथीबाट पहिरो आएर सडक हिलाम्य भएपछि सवारीका साधनहरु उक्लन सक्ने गरेका छैनन । बर्षातका कारण करिब १ किलोमिटर मात्र सडक बिग्रीएर यस्तो समस्या भएको भएपनि सरोकारवाला निकायहरुको चासो दिएको देखिदैन ।
उक्त क्षेत्रमा बर्षातका कारण बाटो बिग्रीएर खेत रोप्ने हिलो झै हिलाम्य भएका कारण यातायातका साधनहरु सगै मोटरसाईकल र पैदल हिडडुल गर्न पनि सजिलो छैन । जसले गर्दा बिच बाटोमा सवारी साधानहरु रोकिदा सयौं यात्रुहरु समस्यामा पर्ने गरेको दाङबाट रुकुम तर्फ आईरहेका एक यात्री गोबिन्द बिश्वकर्माले बताए ।
उनका अनुसार बिरामी, बृदबृद्धा र वालवालिका सगै बिरामीहरु सबैभन्दा यसको मारमा पर्ने गरेका छन । थारेमारे क्षेत्रमा बर्षातको बेला गाडि अवरुद्ध हुने समस्या बर्षेणीको समस्या हो । बर्षातका बेला यस सगै यस सडक खण्डका धेरै ठाउँहरुमा गाडि अबरुद्ध हुने गरेका थिए ।
तर रुकुम दाङ सडक खण्ड स्तरबृदि गरि खोलामा पुल तथा अन्य सडकहरु ओटाशिल गरिएपछि अन्य क्षेत्रमा समस्यामा कमी आएपनि उक्त क्षेत्रमा अझै पनि समस्या जस्ताको जस्तै छ । उक्त क्षेत्रको समस्या समाधानका लागि ठिनबाङ खोलामा पुल निर्माण गरिएपनि ठेकेदारको लाप्रबाहीका कारण समस्या उस्तै रहेको स्थानीयहरुको भनाई रहेको छ ।
उक्त ठिनबाङ खोलाको पुल होचो स्थानमा निर्माण भएका कारण गाडिहरु उकालोमा उक्लन नसकेको देखिन्छ । सडक अग्लो स्थानमा भएपनि पुल निर्माणको स्टमेट होचो गरिदा हिलाम्य उकालो सडकमा गाडिहरु चढ्न नसकेको ड्राईभर भरत केसीले बताए ।
हिलाम्य सडकका कारण फसेका सवारीसधानहरु गन्तब्यमा लैलान सरकारी स्तरबाट कुनै पनि पहल भएको देखिदैन । गाडि सञ्चालक आफैले डोजर बोलाएर गाडि तान्ने गरेका छन । डोजर मार्फत एक पटक गाडि तानेको प्रतिगाडि १५ सय रुपैयाँ लिने गरिएको छ ।
डोजर सञ्चालकले पनि पनि एकदुई ओटा गाडि तान्नका लागि नआउने गरेका कारण धेरै गाडिहरु जम्मा भएपनि मात्र एकदुई दिनको फरकमा मात्र एकैपटक तान्ने गरिएको छ । त्यस्तै कुनै बेला यात्रुहरुले गाडिलाई धकेलेर पनि यात्रा गर्ने गरेका छन ।
यो समस्याले गर्दा गाडि सञ्चालक र यात्रु दुबै मर्कामा परेका छन । त्यसकारण सडक निर्माणको जिम्मा पाएको निकायले छिटोभन्दा छिटो सडक सञ्चालन गरि यात्रुहरु सहजता प्रदान गर्न यात्रुहरुको माग रहेको छ । -तुलसीपुर अनलाइनबाट
Post a Comment