घोराही-होलेरी सडकखण्डको बेथिती यस्तो छ !

रेखा मगर/असार २२, रोल्पा । प्रत्येक वर्ष वर्षायाम शुरु भएसंगै हिलाम्य हुने घोराही होलेरी सडकखण्ड यसवर्ष पनि हिलाम्य हुँदा आवागमनमा समस्या भएको छ ।

पानी पर्ने वित्तिकै वाटो माथिवाट पहिरो झर्ने र सडकमा पानी जम्मा हुँदा सडक असहज वन्ने गरेको छ । २८ किलोमिटरको उक्त सडकखण्डमा पानी पर्ने वित्तिकै ठाँउठाँउमा झर्ने पहिरोका कारण गाडीहरु विचमै रोकिने गरेका छन ।

दाङबाट रोल्पाका होलेरी हुदै रुकुम, सदरमुकाम लिवाङ, जिल्लाका माथिल्ला भेग र प्यूठानको स्वर्गद्धारी जाने सवारीसाधन सहज रुपले सन्चालन हुन सक्ने अवस्था छैन ।
2वाटोका बिच विचमा परेका खाल्डा खुल्डीमा वर्षातको पानी र पहिरोको माटो जम्मा भएपछि कच्ची सडकमा दुर्घटनाको जोखिम वढेको सवारी चालकहरुको भनाइ छ ।

पानी र माटोले निकास नपाँउदा मोटरसाइलको यात्रा झनै जोखिमपुर्ण छ । यसैविच, सडक चौडा पार्ने कामले पनि वाटोमा सहज रुपले गाडी चलाउन सक्ने अवस्था नरहेको सवारी चालकहरु वताँउछन ।

कालोपत्रे गर्ने योजना अन्तर्गत अहिले उक्त सडकमा वाटो कटान गर्ने काम भएको छ । दाङको वाह्रकुने दहदेखि रोल्पाको नयाँगाँउसम्म डोजरले वाटो फराकिलो पारेपनि माटो सडकमै छाड्दा पानी पर्नेवित्तिकै सडक हिलाम्य हुदा गाडीहरु भासिने गरेका छन । जस्ले गर्दा यात्रामा पनि कठिनाइ हुने गरेको छ ।

Disclaimer: Please note, this is only video embeding web Page. All of these videos found here from 3rd party video hosting sites such as YouTube.Com, Vimeo.Com, DailyMotion.Com, Blip.Tv, We do not host any videos. Please contact to appropriate video hosting site for any video removal.Please keep watching Hot Video News..