|
|
|
|
मङ्सिर २५, काठमाडौँ । भारतबाट बुधबार राति फर्केका मधेसी मोर्चा नेताहरू निकै लचिलो रूपमा प्रस्तुत भएका छन् ।
यसअघि संसद् अवरुद्ध गरेर बैठक अघि बढ्न नदिएका मोर्चाका नेताहरूले बिहीबार प्रमुख तीन दलसँग वार्तामा संसद्बाट पुनर्निर्माण विधेयक पारित गराउन सहमति जनाएका हुन् ।
प्रधानमन्त्री केपी ओलीको आह्वानमा सिंहदरबारमा भएको वार्तामा सत्ता पक्षले विधेयक अघि बढाउने वातावरण बनाउन गरेको आग्रहलाई मोर्चाले मानेको हो ।
संविधानप्रति असन्तुष्ट रहँदै आएको मोर्चा नेताहरूले भूकम्पले सिर्जना गरेको संकट मानवीय संवेदनशीलताको विषय भएको भन्दै विधेयक पारित गर्न सहमति जनाएको कांग्रेस महामन्त्री कृष्णप्रसाद सिटौलाले बताए । ‘अन्य विषयमा भने भोलि (शुक्रबार) छलफल गर्ने गरी बैठक सकिएको छ,’ उनले भने ।
समय र स्थान तय नभए पनि सरकारमा अवरुद्ध दलहरू र कांग्रेसबीच अनौपचारिक छलफलपछि मोर्चालाई खबर गरिने प्रधानमन्त्रीनिकट स्रोतले बताएको छ । -कान्तिपुर दैनिक
Post a Comment