|
|
|
|
‘खाना पकाउनकै लागि गर्मी मौसममा तीन घण्टा उकालो ओरालो गरेर तल खोलाको दुषित पानी पिउनुपथ्र्यो । तर, अब घर नजिकै खानेपानीको धारा आएपछि हामीलाई निकै सजिलो भएको छ’, बुढामगरले भन्नुभयो, ‘गाउँमा खानेपानीको समस्या हुँदा एक डेढ घण्टा उकालो ओरालो गरेर खोलामा पानी लिन जानुपर्ने बाध्यताका कारण छोराछोरीहरुलाई समयमै विद्यालय पठाउन सकिएको थिएन । गाउँमा ट्यांकी बनेपछि दैनिकी बदलिएको छ ।’
गाउँमा ट्यांकी बनेपछि उमा थापाको पनि दैनिकी बदलिएको छ । खानेपानी ट्यांकी निर्माण भएपछि हर्षित हुँदै उहाँ भन्नुहुछ, ‘खोलाको दुषित पानीलाई अमृत मानेर पिउनुपर्ने हाम्रो बाध्यता थियो । दुषित पानीको प्रयोगकै कारण विभिन्न रोगबाट वर्षेनी बिरामी हुनुपथ्र्यो, अब त घर नजिकै खानेपानीको धारा आएपछि देवता आए जस्तो भएको छ ।’
बुढामगर र थापा त उदाहरण मात्रै हुनुहुन्छ–खानेपानीको ट्यांकी निर्माण भएपछि देउखुरीको थकरीकोट, चित्रीकोटलगायतका गाउँका सथानीयहरु हर्षित भएका हुन् । गृहिणीको दैनिकी बदलिएको छ । गाउँमा खानेपानीको धारा निर्माण भएपछि ६५ घर परिवारका २ सय २१ जनाले स्वच्छ खानेपानी पिउन पाएका छन् । एग्रिकल्चरल एण्ड एशोसिएशन ब्रिटिस गोर्खाज नेपाल (कादरी) को ८० लाख र २० लाख ८० हजारको जनश्रमदान गरी कुल १ करोड ८० हजार रुपैयाँ बराबरको लागतमा उक्त खानेपानी आयोजना सम्पन्न भएको थकरीकोट सोलार पम्पिङ खानेपानी उपभोक्ता समितिका अध्यक्ष दुुर्गा उचहीमगरले जानकारी दिनुभयो ।
हाल उक्त खानेपानी आयोजनाका लागि एउटा पानी संकलन ट्याङ्की, एउटा पानी बितरण ट्याङ्की र ३३ ओटा सोलारपाताको ३ हजार ६ सय ३० वाट क्षमता भएको सोलारपावर जडान गरी ११ वटा खानेपानी धारा निर्माण गरिएको म्यानेजर दोवानकुुमार राईले बताउनुभयो । समुद्र सतह देखि १ सय ७० मिटरको उचाईमा रहेका मेन ट्याङकीमा ३० हजार लिटर र वितरण ट्याङकीमा २ हजार लिटर क्षमता भएका दुई वटा पानी ट्याङ्की, समेत निर्माण गरिएको राईले जानकारी दिनुभयो । ओमप्रकाश गुप्ता, दाङखबरबाट
Post a Comment