|
|
|
|
यस अघि नगरपालिकाले छनोट गरी पठाएको टेण्डर नगरविकाश कोषले स्वीकृत नगर्दा नगरपालिकाले पुनः टेण्डर अह्वान गरेको हो । नगरपालिकाले ३० दिने म्याद राखी टेण्डर अह्वान गरेको नगरपालिकाका इन्जिनियर पवनकुमार योगीले जानकारी दिए । नगरपालिकाले १० करोड ५० लाखको पहीलोपट टेण्डर अह्वान गरिएको हो ।
यस अघि नगरपालिकाले चैत महिना भित्रनै पुर्वाधारका काम सुरु गर्ने बताए पनि नगर विकाश कोष सम्म पुगी टेण्डरको काम रोकिदा बसपार्क निर्माणमा ढिलाइ हुन गएको थियो । नगरपालिकाले झण्डै आधा दशक अघि बनाएको व्यावस्थीत बसपार्कको गुरुयोजनालाइ तुलसीपुर नगरपालिकाको पहलमा नगर विकाश कोषले २०७० असार ३० गते परीयोजनाको विधिवत रुपमा स्वीकृति दिएको थियो ।
कोषले तोकेको मापदण्ड अनुरुप अटो व्यावसायीहरुको व्यावस्थापन, बस समितिहरुको स्वीकृति तथा नगरका अन्य राजनितिक दलका प्रतिनिधिहरुको समेत सकारात्मक प्रयास पछि बसपार्क गुरुयोजना संभवन भएको र केही समय पछि काम सुरु गरिने बताए । ‘ अवको केही महीना भित्र सवै काम सुरु हुन्छ , यस आर्थिक बर्ष भित्र नै पूर्वाधार निर्माणको काम सुरु गर्ने छौं , योगीले भने ।’
पिडिए नेपाल कन्टलनेन्सीले तयार पारेको डिजाइन स्टिमेट सहीतको गुरुयोजना को टेण्डर नगरपालिकाले नगर विकाश कोषमा पठाएको र जस अन्तर्गत सो सुरु योजनका लागी पहिलो चरणमा नगर विकाश कोषले झन्डै साढे १० करोड रकम लगानि गर्ने बताएको छ ।
त्यसमा नगरपालिकाले १० प्रतिसत साझेदारी गर्ने सर्त रहेको छ । करिव ३९ करोड लगानिमा ३ चरणमा काम हुने र २ वर्ष भित्र काम सम्पन्न हुने गरी योजना लागु हुने पनि संझौतामा उल्लेख छ । जस मध्य १ करोड ८ लाख ९६ हजार २ सय ३६ रुपैया अनुदान र बाँकी ८ करोड ९० लाख ७४ हजार ९ सय ७ रुपैया सरल ऋण नगरपालिकाले तिर्ने नगरपालिकाले जनाएको छ ।
नगरपालिकाले २० वर्षभित्र ऋणति रि सक्नु पर्ने नगरपालिकाका इन्जिनियर पवनयोगीले जानकारी दिएका छन् । ५.५ प्रतिसत ब्याज कोषलाई तिनु पर्ने नगरपालिकाले जनाएको छ । सो रकमले बसपार्कमा पहिलो पटक अत्याधुनिक ट्रमीनल विल्डिङ्ग, टिकट काउन्टर, सपिङ स्टलहरु, निर्माण हुने इन्जिनियर योगीले जानकारी दिएका छन ।
त्यसैगरी सार्वजनिक शौचालय, सडक, ढल निकासका लागी नाला, सोलार लाइट, गाडि पार्किङ स्थल लगायतका संरचनाहरु तयार हुने नगरपालिकाले जनाएको छ ।
वसपार्क निर्माणमा सहजताका लागी कार्यकारी अधिकृत संयोजक तथा राजनितिक दल ,उद्योगी, यातायात ब्यवसायीलगायत सरोकार निकायका प्रतिनिधीहरु सम्मिलित बसपार्क निर्माण तथा ब्यवस्थापन समिति समेत गठन भएको छ ।
तुलसीपुरको नयाँ वसपार्कमा हाल व्यस्थीत बस पार्क नहुदा निकै समस्या परेको छ । बसपार्क बर्षायाममा हाल हिलाम्मे हुने गरको भने हिउंदमा धुलोको समस्या रहेको छ । त्यसैगरी वसपार्कमा पक्की संरचनाका साथै पर्खाल नहुदा असुरक्षा बढेको व्यवासयीहरुले बताएका छन । -बालाराम खडका, तुलसीपुरअनलाइनबाट साभार
Post a Comment