|
|
|
|
सौरभ सुवेदी, तुलसीपुर २१-जेठ । तुलसीपुरको अरनीको मैदानमा शुक्रवार देखि मैत्रीपूर्ण फुटबल सुरु भएको छ । खेल शनिवार सम्म चल्ने छ । तुलसीपुर बैंकर्स क्लवको आयोजना फुटबल सुरु भएको हो । विहान ८ देखि सुरु भएको उद्घाटन खेल तुलसीपुर नगर जेसीज र दाङ जिल्ला फुटबल संघका विचमा भएको थियो ।
खेलमा जिल्ला फुटबल संघले जेसीजको टिमलाई ० को विरुद्ध ८ गोल गरेको छ । जिल्ला फुटबल संघले मध्यान्तर भन्दा पहिला २ गोल र मध्यान्तर पछि थप ५ गोल गेरेको हो । जिल्ला फुटबल संघका लागि सुधिर गुरुङले गोलको खाता खोलेका थिए । त्यसपछि प्रकास रोकाले गोल थपेका हुन ।
खेलमा प्रशिक्षक समेत रेहका रोकाले ह्याट्रिक गरे । उनले दुई गोल मध्यान्तरपछि थपेका थिए भने सुधिर गुरुङले थप एक गोल थप्दै आफ्नो नाममा दुई गोलको रेकर्ड बनाए । त्यस्तै उक्त खेलमा जिल्ला फुटबल संघका लागि मध्यान्तपछिको खेलमा मञ्जित बाँठाले एक्लै दुई गोल गरे भने एक गोल शिवहरी शर्माले गरेका थिए । जिल्ला फुटबल संघका अगाडि तुलसीपुर नगर जेसीज निरही सावित भएको थियो ।
संघले ८ गोलको वर्षा गर्दा पनि जेसीजले एक गोलपनि फर्काउन नसकेको खेल प्रेमी केशव चौधरीले जानकारी दिए । तुलसीपुर क्षेत्रमा रहेका विभिन्न संघसंस्थाहरुको विचमा सम्वन्ध स्थापित गर्न अनि सामाजिक सदभाव कायम गर्नका लागि फुटबल आयोजना गरिएको तुलसीपुर बैंकर्स क्लवका सचिव रञ्जित कोईरालाले जानकारी दिए ।
मैत्रीपूर्ण फुटबलमा चार टिमविच प्रतिपर्धा हुँदैछ । विजेताले खसि उपहारको रुपमा पाउने छ । आयोजक तुलसीपुर बैंकर्स र रिपोटर्स क्लव दाङ शाखको विचमा शुक्रवार दिउँसो चारवजे खेल हुने छ । तुलसीपुर बैंकर्स क्लवका उपाध्यक्ष निरजराज भण्डारीको अध्यक्षता एवं तुलसीपुर उद्योग वाणिज्य संघका अध्यक्ष विमल रिजालको प्रमुख आथित्यमा मैत्रीपूर्ण फुटबलको उद्घाटन गरिएको हो ।
प्रमुख अतिथि रिजालले अम्पायरलाई फुटबल हस्तान्तरण गरेपछि खेलको सुरुवात भएको थियो । कार्यक्रममा स्वागत तुलसीपुर बैंकर्सका डिल्लीराज खनालले स्वागत मनतब्य राखेका थिए भने सचिव रञ्जन कोईरालाले सहजीकरण गरेका थिए । तुलसीपुर अनलाइनबाट
Post a Comment