|
|
|
|
पोषणको क्षेत्रमा काम गर्ने आसमानले कुपोषित बालिकालाई पुर्स्थापना केन्द्रमा नपठाएका कारण सल्यानको पश्चिमी क्षेत्रमा पर्ने कालिमाटी काल्चे वडा नं ८ की ९ महिनाकी अस्मी खनालको मृत्यु भएको हो ।
सल्यानका ८ वटा गाविसमा विगत ५ महिना अगाडि देखि कुपोषण हटाउनलाई संचालनमा ल्याएको उक्त गैर सरकारी संस्थाले कुपोषित बच्चाको पोषण सुधारका लागि काम नगरेकाले बालिकाको ज्यान गएको बालिकाकी आमा चञ्चली खनालले जनाएकी छन ।
उनि भन्छिन – “आसमान नेपालबाट आउनुभएको सरले तौल नापजाँच गर्नुभयो, फोटोपनि खिच्नुभयो तर मेरो बच्चाको उपचारको लागि थप सहयोग कुनै गरि दिनुभएन ।” आसमानबाट खटिएका कर्मचारीले विवरण लगेको २ हप्ता वित्दासम्म उपचारको कुनै पहल नगरेका कारण बालिकाको ज्यान गएको उनले जनाएकी छन ।
यस अघि निमुनियाको विरामी भएकी छोरीको उपचारको लागी नेपालगञ्ज लिएको बताएकी उनले संस्थाले केहि हुदैन र आफुहरुले उपचारको लागि सहयोग गर्छौं भनेपछि ढुक्क भएकोले छोरी गुमाउनु परेको बताएकी छन । कालिमाटी काल्चेमा मात्रै ५ जना बालबालिकामा कडा खालको कुपोषण, १५ जनामा मध्यम खालको कुपोषण र सामान्य खालका धेरै कुपाषीत बच्चाहरुरहेका छन ।
यस बारेमा बुझ्दा संस्थाका कार्यक्रम संयोजक दिपेन्द्र तिवारीले २ हप्ता हैन आफ्नो जिल्लाको डाटा इन्ट्रि भएको ३ दिनमा नै बालिकाको मृत्यु भएको खबर आएको बताएका छन । आफुहरुले स्वयमसेविका र परिचालकहरुलाई तालिम दिएर काममा खटाइसकेको र अव त्यस्तो नहुने बताएका छन । कार्यक्रम संचालन भएको ३ महिना वितिसक्दा सम्म पनि भर्खर मात्रै तालिम दिएर काम कहिले गर्नुहुन्छ त भन्ने हाम्रो प्रश्नमा उनले यो शुरुवातीको चरण भएकाले काममा कठिनाई भएको बताएका छन ।
संस्थाले सल्यानका पश्चिमी क्षेत्रका ८ गाविसमा गरिव परिवारको पोषण सुधारको लागि भन्दै कार्यक्रम संचालन गरेको छ । सबै गाविसका महिला स्वास्थ्य स्वयमसेविका लाई तालिममा बोलाए वापत आसमान नेपालबाट प्रदान गरिने सेवा सुविधामा प्रदानमा पनि कन्जुस्याइ गरेको संस्थाको कार्यक्षेत्र रहेको गाविसका महिला स्वास्थ्य स्वयमसेविकाहरुले जनाएका छन ।
आसमान, लिवर्ड र आरआरएनले सल्यानमा एक भएर पोषण सुधारको कार्यक्रम संचालन गरिरहेका छन । संस्थाको कर्मचारी छनौटमा कुनै विज्ञापन नगरेको र संस्थाको सम्पूर्ण योजनामा राजनीतिक दल तथा नेताको प्रभावमा काम गरिरहेको यी संस्थाहरुमा आरोप लाग्ने गरेको छ ।
Post a Comment