|
|
|
|
दुर्घटनामा परेका मध्ये दाङका चार जना र रोल्पाका तीन जना यात्रुको अवस्था गम्भिर रहेको प्रहरीले जनाएको छ । उक्त दुर्घटनामा परि दाङका मात्रै सात जना घाईते भएका छन् । दुर्घटनामा परि घाईते भएका १० जना वसका यात्रुहरु मध्ये दाङ सतवरिया २ की ३१ बर्षीया कल्पना बुढा मगर, गोवरडिया २ की २१ बर्षीया दयावती यादव, गढुवा ६ निवासी २६ बर्षीय खरखुरी चौधरी, सिसहनीया ६ निवासी २६ वर्षीय राजेन्द्र मल्ल रहेका छन् ।
उनीहरु सबैको अवस्था गम्भिर छ । वडा प्रहरी कार्यालय चन्द्रौटाका प्रहरी निरिक्षक राजकुमार सिलवालले तुलसीपुर अनलाईनलाई दिएको जानकारी अनुसार रोल्पा निवासी तीन जना गम्भिर घाईते भएका छन् । जसमा रोल्पा जङकोट ६ निवासी ३४ बर्षीय भिमबहादुर छन्त्याल, लिवाङ नगरपालिका ४ निवासी ३२ बर्षीय राजकुमार घर्ती मगर र रोल्पा भोलावाङ निवासी ५० बर्षीय अम्मर रोका छन् ।
उक्त दुर्घटनामा परेका मध्ये रोल्पाका ५० बर्षीय अम्मर रोका र ट्रिप्परका चालक कपिलबस्तु शिवनगर नगरपालिका वडा नं.१० निवासी ३९ वर्षीय रामभगत चौधरीको अवस्था सबैभन्दा बढी चिन्ता जनक रहेको वडा प्रहरी प्रमुख सिजवालले जानकारी दिए । उनीहरु दुबै जनालाई टाउकोमा गम्भिर चोट छ । गम्भिर घाईते सबैको बुटवलमा उपचार भइरहेको प्रहरीले बताएको छ ।
त्यस्तै चन्द्रौटाको स्थानीय सञ्जिवनी अस्पतालमा उपचारगराई रहेका सामान्य घाइतेहरुमा दाङ लुहारपानी ६ का ३३ बर्षीय झुमल बुढा मगर , लालमटीया ९ निवासी ६५ वर्षीया कमला कँवर र उनका १७ वर्षीय छोरा अर्जुन कँवर रहेको वडा प्रहरी कार्यालय चन्द्रौटाका प्रहरी निरिक्षक राजकुमार सिवालले तुलसीपुर अनलाईनलाई जानकारी दिए ।
काठमान्डौं वाट तुलसीपुर तर्फ आउँदै गरेको राप्ती अञ्चल सार्वजनिक वस व्यवसायी समितिको ना ५ ख ६३७१ नम्वरको वस र पश्चिमवाट पूर्वतर्फ जाँदै गरेको लु १ ख ६१८९ नम्वरको ट्रिप्पर आपसमा ठोक्किदा उक्त दुर्घटना भएको वडा प्रहरी कार्यालय चन्द्रौटाका प्रमुख सिलवालले बताए ।
चन्द्रौटा र इमिलीयाको विचको खरेन्द्रपुर मोडाम मंगलवार विहान नौं बजेरित विपरित दिशावाट आइरहेको वस र ट्रिप्पर आपसमा ठोक्किनुको कारण भने अझै खुल्न नसकेको प्रहरीले बताएको छ । तुलसीपुर अनलाइनबाट
Post a Comment