|
|
|
|
राप्ती अञ्चल अस्पतालमा डिउटीमा रहेका प्रहरी जवान निराकार श्रेष्ठका अनुसार दुर्घटनामा परेका मध्ये विहान ८ बजेर २० मिनेट जाँदा सम्म तीन जना महिला अचेत अवस्था अवस्था मै रहेको जानकारी दिए ।
अचेत रहेकाहरु मध्ये तुलसीपुर १९ उरहरी निवासी ३५ वर्षीया मालता रावत, तुलसीुर १८ की ४२ वर्षीया लक्ष्मी परियार र तुलसीपुर ४ निवासी ४० बर्षीया लिला भण्डारी छन् । उनीहरुको यो खबर तयार पार्दा सम्म होस आएको छैन । तर उनीहरुको बाहिरी चोट पनि केही नदेखिएको प्रहरी जवान श्रेष्ठले जानकारी दिए ।
त्यस्तै उक्त दुर्घटनामा परि तुलसीपुर १२ निवासी ४८ वर्षीय लालवहादुर रावत घाइते भएका छन् । उनको दाहिने खुट्टा र शरीरका विभन्न भागहरु जलेर गहिरो घाउ भएको प्रहरीले बताएको छ । अन्य घाईतेहरुका अवस्था सामान्य रहेको र उनीहरुको हाल राप्ती अञ्चल अस्पतालमा उपचार भइरहेको प्रहरीले जानकारी दिएको छ ।
विहान सितलपुरवाट तुलसीपुर तर्फ आउँदै गरेको रा १ ख ४९४ नम्वरको वसले एउटा जिपलाई साईड दिने क्रममा बस दुर्घटनामा परेको प्रहरीले जनाएको छ । हाल सम्म चालक फरार रहेको र उनको खोजि भइरहेको पनि प्रहरीले बताएको छ । तुलसीपुर अनलाइनबाट
Post a Comment