|
|
|
|
एसपी सिंहका अनुसार घोराही नगरपालिका वडा नं. ४ सिस्नेखोलामा अवैद्य रुपमा गिट्टि वालुवा उत्खनन् गरिरहेका रा १ त १३०८ र रा १ त ६५० नम्वरका ट्रेक्टर नियन्त्रण पछि आवश्यक कारवाहीका लागि जिल्ला विकास समिति दाङमा पठाइएको छ । त्यस्तै प्रहरी चौकी उहरी जस्पुरले सुकौरा स्थित पाखुखोलाबाट मंगलवार विहान दुइवटा ट्रेक्टर नियन्त्रणमा लिएको छ ।
प्रहरीले रा १ त २०३३ र रा १ त १७३१ नम्वरका दुइवटा ट्रेक्टरहरु वालुवा गिट्टि उठाउँदै गर्दा पातुखोलावाट नियन्त्रणमा लिइएको ईलाका प्रहरी कार्यालय तुलसीपुरका प्रमुख एवं डिएसपी कृष्ण प्रसाँईले जानकारी दिए । त्यस्तै मंगलवार नै ग्वारखोलाको विभिन्न स्थानहरुवाट रा १ त ७८५, लु २ त २८८६, ना ४ त ८१०३ र लु ३ त १३७८ नम्वरका ट्रेक्टर विजौरी र खाद्रेको आसपासवाट नियन्त्रण गरिएको जानकारी दिइएको छ ।
प्रमुख प्रसाँईले नियन्त्रणमा लिइएका सबै ट्रेक्टरलाई आवश्यक कारावहीका लागि जिल्ला विकास समिति दाङमा पठाउने तयारी भइरहेको पनि बताए । जिविसले आह्वान गरेको वालुवा गिट्टि निकासीको समय गत आर्थिक वर्षको समाप्ति संगै समाप्त भएपनि अबैद्य उत्खनन् भने रोकिएको छैन ।
तर कतिपय निर्माण व्यवसायीहरुले भने वालुवा गिट्टि निकासीमा प्रतिवन्ध लगाइदा विकास निर्माणका कामहरु प्रभावित वनेको बताएका छन् । ठेकेदार पूर्ण भण्डारीले खोलाजन्य वस्तुमाथिको प्रतिवन्ध अविलम्व खोल्नु जरुरी रहेको बताए । तुलसीपुर अनलाइनबाट
Post a Comment