दाङमा चट्याङवाट छोराको मृत्यु, आमा छोरी घाईते

भदौ २८, दाङ । चट्याङ लागेर दाङमा एक जनाको मृत्यु भएको छ भने थप तीन जना घाइते भएका छन् ।

दाङ वाघमारे ३ पेघा स्थित जुद्ध कुमारी केसीको घरमा चट्याङ पर्दा उनका १६ वर्षीय छोरा पवन केसीको मृत्यु भएको जिल्ला प्रहरी प्रमुख एसपी धिरज प्रताप सिंहले जानकारी दिए ।

केसीको छाति, कम्मर र हात जलेको अवस्थामा राप्ती अञ्चल अस्पतालमा उपचारका क्रममा मृत्यु भएको प्रहरीले जानकारी दिएको हो । चट्याङवाट उनकी ३९ वर्षीया आमा जुद्ध कुमारी केसी र उनकी १८ वर्षीया छोरी रेणुका केसी घाईते भएका छन् ।

जुद्धकुमारी केसीको कम्मर र हात जलेकोले उनको अवस्था गम्भिर रहेको प्रहरीले जनाएको छ भने उनकी छोरी रेणुकाको दुबै हात जलेपनि उनको अवस्था खतरा मुक्त रहेको एसपी सिंहले जानकारी दिए । उनीहरु सुतिरहेको अवस्था सोमवार राति ११ बजेतिर चट्याङ परेको थियो ।

एकै परिवारका तीन जना चट्याङवाट घाईते भएपनि छोरा पवन केसीको भने उपचारका क्रममा मंगलवार विहान एक बजे नै मृत्यु भएको प्रहरीले जनाएको छ । तुलसीपुर अनलाइनबाट

Disclaimer: Please note, this is only video embeding web Page. All of these videos found here from 3rd party video hosting sites such as YouTube.Com, Vimeo.Com, DailyMotion.Com, Blip.Tv, We do not host any videos. Please contact to appropriate video hosting site for any video removal.Please keep watching Hot Video News..