|
|
|
|
स्थानिय स्तरमा अनुगमन समिति बनाएपछि काम थालिएको डिभिजन प्रमुख श्रेष्ठले जानकारी दिनुभयो । उहाँका अनुसार १८ महिना भित्रै काम सक्ने योजनाको लक्ष्य छ । तर ठेकेदार राम्रो गरे करीव छ/ सात महिनामै काम सकिने छ । यस पटक खार्ने, ढुंगा विच्छाउने र शरिया हालेर ढलान गर्नेकाम हुने छ । नरोकिएर सरासर काम टुंग्याने निर्माण कम्पनीले बचन दिएको छ । त्यसमा ईमान्दारीता देखियो भने अधुरो धुले बसपार्क अब छोटो समय मात्रै झेल्नुपर्छ ।
आफ्नै कार्यकालमा अमिट काम गर्ने घोराही नगरविकास समितिका अध्यक्ष किरण कुमार रेग्मीको अठोट छ । यस क्षेत्रमा नमुना बसपार्क निर्माण कार्य गर्नसके भावि राजनीतिक यात्रा सहज हुने रेग्मीले आश गरेका छन् । त्यसैले पनि दिलो ज्यान दिएर बसपार्क सुधारमा लागेका छन् । अहिले फुटपाथ र पार्किङ स्थल ढलान गर्न लागिएको रेग्मीले जानकारी दिनुभयो । अहिलेको बसपार्कका संरचना अमिल्दा छन् । क्षेत्र धेरै वगटेको असुहाउदिला मानिन्छन् ।
सार्वजनिक शौचालय सार्नुपर्ने, बसकाउन्टर एउटा किनारामा लैजानुपर्ने जस्ता भावि योजना बनाएका छन् । त्यसका लागि झण्डै ढाईकरोडको हारा हारिमा बजेट परेको छ । बहुबर्षिय योजना भएपनि लामो समय पर्खिन नपर्ने अध्यक्ष रेग्मीले बताउनुभयो ।
बसपार्कका बासिन्दाको सरसफाइ र अन्य सजावटमा देखिएको सकृयता देखेर बेला बखतका भवन डिभिजन प्रमुखहरु पग्लीने गर्छन् । तिनको मधुर भावनाले केन्द्रमा योजना पार्न मद्धत गर्छन् । त्यसरी विर्सन नसकिने प्रमुख परिक्षित परीत कडेरिया भएको स्थानियले बताउछन् । बसपार्क पक्कि हुनमा तिनको ठुलो हात भएको मान्छन् ।
गत फागुन २८ गते बसपार्क व्यवस्थित गर्न अध्यक्ष रेग्मी सहित सरोकार वालाको सर्बपक्षिय छलफल आयोजना गरीयो । सेवार खोला नया बसपार्क टोलविकास संस्थाले सञ्चालन गरेको अन्तरकृयामा यातायात क्षेत्रका प्रमुख, टाफिक, वडा प्रहरी सहितका सरोकारवाला संग बृहत छलफल भएको थियो । त्यसले लामो वा छोटो दुरीका सबै वसहरुलाई बसपार्क लग्ने निर्णय गरेको थियो । वस छुट्न वा यात्रु छोड्न वसपार्क पुग्नै पर्ने भएको थियो । तुलसीपुर चोकमा यात्रुलाई अलपत्र पार्ने, बसपार्कका यात्रु अलमलमा पार्ने काम पुर्ण बन्द गर्नुपर्ने भन्ने थियो ।
पहिलो चरणमा सचेत गराउने, दोश्रोमा चलानी रोक्का गर्ने त्यसपछि पनि अटेरी गरे क्यूखान नदिने निर्देशन गरी सकेको राप्ती अञ्चल यातायात व्यवसायी समिति घोराही काउन्टरका प्रशासनीक ईञ्चार्ज राजु दसौदिले कार्यक्रमा जानकारी दिनुभएको थियो । यस क्षेत्रको प्रतिष्ठत संस्थाले त्यसरी अठोट गरेपछि अरुले सहमति जनाए । त्यसैगरी मालिका कालिका, दाङ यातायात प्रालि लगाएतले पनि टोलविकास संस्थाको प्रस्तावमा पुर्ण सहमति जनाएका थिए ।
यसैगरी वसहरु मिलन चोक हुदै बसपार्क भित्र पस्ने र पुरानो वसपार्कहुदै बाहिरीने गरी एकतर्फी बनाउने निर्णय भएको थियो । सिमेन्ट उद्योगका टिप्परहरु पुर्ण निषेध गर्ने, अरु यातायातका साधनलाई बसपार्क बाट तुलसीपुर चोक सम्म पुग्दाको गतिलाई सुस्त गराउने लगाएतका थिए ।
विकसीत, सुविधा युक्त र सफा सुन्दर वसपार्क निर्माण गर्नेमा सबैको ऐक्यवद्धता थियो । त्यहि सपना पुरा हुने चरण शुरु भएको रुपमा बसपार्कका बासिन्दाले लिएका छन् । इन्द्रेणी अनलाइनबाट साभार
Post a Comment