गायिका एवं मोडल निशा सुनारको हट म्युजिक भिडियो हेर्नुहोस

लोक–पप गायिका एवं मोडल निशा सुनारको ‘टोल टोलमा हल्ला चल्यो’ बोलको म्युजिक भिडियो सार्वजनिक भएको छ। म्युजिक नेपालबाट सार्वजनिक गरिएको म्युजिक भिडियो उनकै श्रीमान एवं चर्चित निर्देशक शंकर बिसीले निर्देशन गरेका हुन् ।

अमेरिकाबाट दुई महिना अघि तीज मानाउनका लागि नेपाल आएकी निशाले ‘जे भए नि मेरो जिवन साथि नेपालकै छोरो होस्‘ बोलको तीज गीतको भिडियो बजारमा ल्याए लगतै ‘टोल टोलमा हल्ला चल्यो’दर्शकमाझ पस्केकी छन् ।

आफै गाउने र मोडलिंग गर्ने निशाले यस अगाडि लोक–पप गायिकाको रुपमा आफ्नो परिचय बनाएकी थिइन्।
‘यो अलि बेग्लै स्वादको छ,‘ निशाको प्रतिकृया छ ‘पहिलेदेखिनै मलाई स्विमिंग पुलमा भिडियो सुट गर्ने रहर थियो,' निशा भन्छिन् ‘स्विमिंग कस्टुममा सुट गरिएकोले स्वभाविक केही हट त हुने नै भयो ।'

निर्देशक बिसिले गीतको कथावस्तु र शब्दले मागे अनुसार निशाकै इच्छामा स्विमिंग पुलमा भिडियो सुट गरिएको बताए । यसअघि राजेश हमाल, भुवन केसी, शिव श्रेष्ठ, दिलिप रायमाझी जस्ता चर्चित नायकहरुसँग भिडियोमा प्रस्तुत भएकी निशा पछिल्लो यो भिडियोमा भने आफ्नै भदाह रेजर सुनारलाई साथ लिएकी छिन् ।

गीतमा अर्जुन कौशलको शब्द तथा संगीत रचना छ भने निशा आफैले स्वर दिएकी छन् ।‘टोल टोलमा हल्ला चल्यो’ म्युजिक भिडियोमा निशालाई दर्शकले हट अवतारमा देख्नेछन् । -नागरिकन्युजबाट

Disclaimer: Please note, this is only video embeding web Page. All of these videos found here from 3rd party video hosting sites such as YouTube.Com, Vimeo.Com, DailyMotion.Com, Blip.Tv, We do not host any videos. Please contact to appropriate video hosting site for any video removal.Please keep watching Hot Video News..