दाङमा आठ वर्ष सजाए तोकिएका बलात्कारी प्रहरी फन्दामा

भदौ २०, दाङ । पाँच वर्ष अघिको एउटा बलात्कार काण्डका फरार बलात्कारी पक्राउ परेका छन् । अदालतले बलात्कारमा दोषी सावित गरेका एकजना फरार व्यक्ति पक्राउ परेको प्रहरीले जानकारी दिएको छ ।

जिल्ला अदालत दाङ देउखुरीले गत जेठ १४ गते आठ वर्ष सजाए तोकेका तुलसीपुर ४ मोतिपुर निवासी प्रशान्त उर्फ मंगल भनिने २७ वर्षीय रोशन विकलाई पक्राउ गरिएको ईलाका प्रहरी कार्यालय तुलसीपुरका प्रहरी निरीक्षक खुमानन्द पाण्डेले जानकारी दिए ।

विकलाई तुलसीपुर ४ मोतिपुरवाट पक्राउ गरिएको पाण्डेल जानकारी दिए । जिल्ला अदालतले पक्राउ परेका विकलाई बालात्कारमा दोषी ठहर गर्दै आठ वर्ष कैद र पिडित बालिकालाई २५,०००।- क्षतिपुर्ति तोकेको थियो ।

बिकले २०६८ साल असार १८ गतेका दिन तुलसीपुर १५ हलवार निवासी १४ वर्षीया बालिकालाई बालात्कार गरेर अचेत अवस्थामा पुर्याई भागेको अभियोग थियो । अदालतले उनलाई उक्त आरोपमा दोषी प्रमाणित गरेको भएपनि उनी पाँच वर्षदेखि फरार थिए ।

विकले ती बालिकालाई अन्य कामका लागि भन्दै ललाई फकाई तुलसीपुर ५ अरनीको मैदानको पूर्वतर्फको एउटा होटेलमा लगेर जवरजस्ती करणीपछि बेहोस भएपछि फरार भएको किटानी जाहेरी परेको थियो ।

उक्त अभियोगमा विकलाई अदालतले दोषी प्रमाणित गरेको थियो । पक्राउ परेका विकलाई अदालतमा बुझाउने प्रहरीले जनाएको छ । तुलसीपुर अनलाइनबाट

Disclaimer: Please note, this is only video embeding web Page. All of these videos found here from 3rd party video hosting sites such as YouTube.Com, Vimeo.Com, DailyMotion.Com, Blip.Tv, We do not host any videos. Please contact to appropriate video hosting site for any video removal.Please keep watching Hot Video News..