|
|
|
|
उसले शनिबार एक विज्ञप्ती जारी गर्दै देश माथिको भारतीय हस्तक्षेप, आतंककारी नाकावन्दी, जनताको कहालीलाग्दो जनजीवन र नेपाली दलहरुको किकर्तव्यविमुढ, दास मनोवृति र अघोषित आत्मसमर्पणका विरुद्ध राष्ट्रिय प्रतिरोध संघर्षको प्रतिनिधिको रुपमा बन्द आह्वान गरेको बताएको छ ।
देशको अस्तित्व र नेपाली जनताको स्वाभिमानको रक्षाको विषय अहिलेको मुख्य विषय बन्न पुगेको छ । विषयको यही संवेदनशीलता एवं गम्भीरतालाई दृष्टिगत गरी हाम्रो पार्टीले देश माथिको भारतीय हस्तक्षेप, आतंककारी नाकावन्दी, जनताको कहालीलाग्दो जनजीवन र नेपाली दलालहरुको किकर्तव्यविमुढ, दास मनोवृति र अघोषित आत्मसमर्पणका विरुद्ध राष्ट्रिय प्रतिरोध संघर्षको प्रतिनिधिको रुपमा आज मंसिर १३ गते मौलिक रुपको नेपाल बन्द कार्यक्रमको आयोजना गरेको छ ।
उक्त कार्यक्रममा सहभागिता एवं ऐक्यबद्धता जनाई भव्य एवं शानदार रुपमा सफल पार्न राष्ट्रप्रेमी, स्वाभीमानी र आफ्नो स्वनिर्णयका पक्षधर महान नेपाली जनतामा हाम्रो पार्टी हार्दिक अपिल गर्दछ । विज्ञप्तिमा उल्लेख गरिएको छ ।
उसले बन्द गर्नुको कारण यसरी खुलाएको छ ।
१ देश र नेपाली जनतालाई इतिहासमै सर्वाधिक राष्ट्रियता माथिको हस्तक्षेप, भारतीय नाकाबन्दी र जनताको चुलो बल्न बन्द भएको संकटको भूमरीमा पारिएको
२ सरकार र संसदवादी दलका नेताहरुको रबैयाले राष्ट्रको अस्तित्व, स्वाधीनता र नेपाली जनताको स्वाभिमानका विरुद्ध डरलाग्दो आत्मसमर्पणको गोप्य डिजाइन भइराखेको
३ हस्तक्षेपको प्रतिवाद, वैकल्पिक आपूर्ति व्यवस्था र दिर्घकालीन आन्तरिक व्यवस्थापनको दृष्टिकोण एवं योजनाको कुरा गौण बनेको
४ राष्ट्रको सार्वभौमिकता र हाम्रो जनताको स्वतन्त्रता एवं बच्न पाउने आधारभूत मानवअधिकारमाथि भारतीय विस्तारवादको भयानक आक्रमणसम्म हुँदा देशको सरकार, कथित स्वघोषित राष्ट्रवादी मानिने संसदवादी दलका नेताहरु मौन रहेको
Post a Comment