|
|
|
|
पुस १३, काठमाडौं । सरकारका खम्बा ठहरिएका उपप्रधानमन्त्री कमल थापा र प्रधानमन्त्री केपी शर्मा ओलीबीचको सम्बन्ध काठमाडौंको कठ्यांग्रिदो चिसोभन्दा पनि चिसो भएको छ ।
आफू दिनप्रतिदिन अलोकप्रिय बन्दै गएको तर, रातारात कमल थापा लोकप्रिय हुँदै आफ्नो व्यक्तित्वलाई नै छायाँमा पारेको आभास हुँदै गएपछि अहिले थापाको कुनै पनि कदम खतरा हुन थालेको छ ।
थापाको चीन भ्रमणको पूर्वसन्ध्यामा ओली बुझ्ने गरी यो संकेत सार्वजनिक मात्र गरेनन्, प्रतिनिधिमण्डलमा रातारात कानुनमन्त्री थपेर थापाप्रति विश्वास नरहेको सन्देशसमेत प्रवाह गरेका छन् । विशेषगरी थापाको दुईपटकको भारत भ्रमणबाट प्रधानमन्त्री ओलीले आफू किनरामा परेको अनुभव गरेका छन् ।
भारत, जेनेभा र बेलायत भ्रमणपछि अन्तर्राष्ट्रिय रुपमा उपप्रधानमन्त्री थापाको उचाई ओलीको भन्दा माथि पुगेको आभास हुँदै थियो । थापाले जेनेभामा भारतीय अधिकारीहरुलाई नेपालको हितमा दिएको जवाफ, बेलायतमा कर्णेल कुमार लामाको रिहाई र गोर्खा सैनिकको पेन्सनको मामिला उठाएर फर्किएका उनलाई भावी प्रधानमन्त्रीको रुपमा पनि कतिपय ठाउँमा चर्चा गर्न थालिएको छ । -तरुण साप्ताहिकबाट
Post a Comment