|
|
|
|
उत्कृष्ट शब्द र लय तयार गर्दै आईरहेका करण न्यौपानेले यस गीतको लय तयार गरेका हुन । बिन्दबासिनी म्युजिक प्राली मार्फत बजारमा आएको करण न्यौपानेको लय तथा राम बानिँयाको शब्दमा रहेको फुलकुमारी – २ बोलको गीतमा यो शब्द रहेको छ । जिन गीत भर्खरै सार्बजनिक भएको छ ।
गीतमा गायक नौलो किरण र गायिका मन्जु पौडेलको स्वर रहेको छ । लामो समयदेखी नेपाली दर्शकमाझ आफ्नो उद्घोषण कला र गायनबाट ख्याती कमाउदै आएकी गायिका मन्जु पौडेल र युवा पुस्ताका आश लाग्दा तथा बहुप्रतिभाशाली गायक नौलो किरणको यस गीतलाई दर्शक श्रोताले पनि राम्रो साथ दिईरहेका छन ।
रेकर्डिङ भएको समय देखिनै चर्चामा रहेको र गीतको अलग किसिमले गरिएको भिडियो सुटिङले गर्दा पनि दर्शकले धेरै पर्खेका थिए यो गीतलाई । तर अब भने दर्शक र श्रोताको त्यो पर्खाइको समय सकिएको छ ।
फुलकुमारी -२ को अडियो र भिडियो एकैसाथ सार्वजनिक भईसकेको छ । यस गीतमा गायकले आफ्नी कालीलाई राम्री देखिएको र आफुले एसैपाली बिहे समेत गर्ने सुरमा रहेको जनाउदै आफ्नो दिलमा सुटुक्क आउनको लागि आग्रह गरेका छन ।
पूर्णतया गीतले माया गर्ने प्रेमी र प्रेमिकाको भावलाई समाबेश गरेको छ । एकले अर्कोलाई मन पराएको र सोही अनुरुप बिहे गर्ने जस्ता भाव समेत गीतले उठान गरेको छ ।
गीतमा गायिकाले आफु गाँउघरकी सोझी ठिटी रहेको र आफु कालेको नजरमा फिदा भएको बताएकी छिन । आफु कालेलाई सम्झदा साह्रै खुशी हुने र आफ्नो बाले मानेमा आफु पनि बिहे गर्न राजी भएको जनाएकी छिन । गीतको भिडियोमा एकजना केटा र तीन जना केटीलाई उतारिएको छ ।
बिन्दबासिनी म्युजिक प्रालिको युटुब च्यानलमार्फत सार्वजनिक भएको यस गीतको भिडियोमा महेन्द्र गौतम सँगै रश्मी,रिना र कबितालाई देख्न सकिनेछ । शंकर बिसीको निर्देशन रहेको उक्त भिडियोलाई निर्माण गरेको छ कृष्ण फिल्मस एन्ड एडभरटाईजिङले । भिडियोलाई मधुर बस्नेतले खिचेका हुन र नबिन घर्ती मगरले सम्पादन गरेका हुन ।
फुलकुमारी – २ बोलको गीतको एक एक टुक्का एसो रहेको छ ।
केटा: क्या राम्रो देख्याछौ ए मेरो काली, बे गर्ने सुरमा छु म एसैपाली । सुटुक्कै आईहाल….. दिल मेरो खाली, ए हो आँखैको ईशारा, ए हो आँखैको ईशारा झिम झिम झिम परेली,आँखैको ईशारा,एसैमापाली बे गरौ काली, के छ हो बिचार ? ए हो काली,मेरो काली के छ हो बिचार ?
केटी: गाउँघरकी ठिटी म छु धेरै सिधा, तिम्रो त्यो नजरमा भए म फिदा
झन खुशी हुन्थे नि…… तिम्ले साथ दिँदा
ए हो आँखै ईशारा,ए हो आँखै ईशारा,झिम झिम परेली, आँखैको ईशारा, मानेमा बाले
हुन्छ ए काले, के छ हो बिचार ।
ए हो काले,मेरो काले के छ हो बिचार ?
गीतको भिडियो हेर्नको लागि तलको बक्समा क्लिक गर्नुहोला
Post a Comment