|
|
|
|
मंसिर २७, दाङ । दाङमा एक जना व्यक्तिको हत्या भएको छ । तुलसीपुर नगरपालिका वडा नं.–१८ क्वाङ्गी निवासी २५ वर्षे जलुस चौधरीको गए राति हत्या भएको हो ।
ईलाका प्रहरी कार्यालय तुलसीपुरका प्रमुख एवं डिएसपी कृष्ण प्रसाइले चौधरीको धारिलो हतियार प्रयोग गरि हत्या भएको जानकारी दिए ।
शनिवार राति मध्य रातमा तुलसीपुर –१८ क्वाङ्गी निवासी चौधरी काम गरेर फर्कँदै गरेको अवस्थामा अज्ञात समुह वा व्यक्तिले उनको हत्या गरेको हुन सक्ने प्रहरीले आशंका गरेको छ ।
चौधरीको घर देखि चार सय मिटरको दुरीमा उनको सव फेला परेको थियो। प्रहरीले घटनावारे अनुसन्धान भइरहेको जानकारी दिएको छ। हत्या गरिएका चौधरीको सव पोष्ट मार्टमका लागि राप्ती अंचल अस्पताल तुलसीपुरमा राखिएको छ ।
यसैबीच दाङ रामपुर गाविसमा अर्का एक व्यक्ति मृत अवस्थामा फेला परेका छन् । जिल्ला प्रहरी कार्यालय दाङका प्रवक्ता धनवहादुर कठायतका अनुसार अन्दाजी ३४ वर्षको जस्तो देखिने एक जना पुरुषको सव नालीमा फेला परेको छ । तर यो खवर तयार पार्दा सम्म मृतकको पहिचान खुल्न सकेको छैन ।
प्रहरी अहिले घटना स्थल पुगेर मुचुल्का तयार पार्दै गरेकोले त्यो हत्या हो कि के हो भन्ने कुरा अनुसन्धान पछि मात्रै खुल्ने प्रहरीले बताएको छ । सेतोपाटिबाट
Post a Comment