|
|
पुस १४, रोल्पा । रोल्पाको डुब्रिङमा पिकअप गाडी दुर्घटना हुँदा एक जनाको मृत्यु भएको छ । दुर्घटनामा ३ जना घाइते भएका छन्
दाङको घोराहीदेखी रोल्पाको डुब्रिङका लागि छुटेको रा १ क ९४ नम्बरको पिकअप गाडी डुब्रिङ–९ खारामा हिजो दुर्घटना हुँदा सो गाडीका सहचालक डुब्रिङ ४ निवासी १७ वर्षिय प्रकाश नेपालीको मृत्यु भएको हो ।
त्यस्तै गाडीमा सवार डुब्रिङ ४ कै ३३ बर्षिय खगेन्द्र सार्की, गाडी चालक ३५ बर्षिय जयबहादुर थापा र ३७ बर्षिय कर्णबहादुर नेपाली घाइते हुनुभएको छ । घाइते तीनै जनाको अहिले घोराहीको गोर्खा हस्पिटलमा उपचार भईरहेको प्रहरीले बताएको छ ।
घाइते मध्ये खगेन्द्र सार्कीको अबस्था गम्भीर रहेको बताइएको छ । सामान लिएर घोराहीदेखि डुब्रिङका लागि छुटेको गाडी डुब्रिङ–९ खारामा अनियन्त्रित भई बाटोदेखि करिब २० मिटर तल खसेको ईलाका प्रहरी कार्यलय हालेरीले बताएको छ ।dangkhabarबाट
Post a Comment