|
|
|
|
माघ रुकुम । जिल्लाको खोलागाउँकी किशोरी सुस्मिता शाहको प्रहरी अनुसन्धानलाई नै प्रभाब पार्ने गरि योजनाबद्ध तरिकाले हत्या गरियो ।
उनको हत्यामा संलग्नहरु लामो समय सम्म पनि पक्राउ गरेका छैनन । केहि दिन अघि जिल्ला स्थित महिला अधिकारकर्मीहरुको नेतृत्वमा दोषीलाई तत्काल पक्राउ गरि कानुन बमोजिम कारबाही गर्न दबाब दिने उदेश्यले रुकुमका महिलाहरु आन्दोलनमा उत्रिए ।
दोषि पक्राउ नपरेसम्म आन्दोलन जारी रहने महिलाहरुले बताएका छन । घटनाको बारेमा कुनै प्रमाण नजुटेको र स्थानीयहरुले असहयोग गरेका कारण दोषी पक्राउ गर्न नसकेको प्रहरीले बताउदै आएको छ । तर घटना घटेको लामो समय सम्म पनि दोषी पक्राउ गर्न नसक्दा रुकुम प्रहरीको सर्बत्र आलोचना समेत भैरहेको छ ।
किशोरी शाहको हत्या प्रकरण सेलाउन नपाउँदै पूर्तिमकाँडा-४ का वीरवहादुर नेपालीको पनि हत्या भयो । हत्याको अभियोगमा रुकुम प्रहरीले केहिलाई पक्राउ गरि पत्रकार सम्मेलन मार्फत सार्बजनिक समेत ग-यो । नेपालीको हत्या भएको केहि समय बित्न नपाउँदै फेरी जिल्लाको मुरुका १९ वर्षिय भीमबहादुर खड्काको हत्या भयो ।
युवा जनजागरण माध्यमिक विद्यालय कक्षा ९ मा अध्ययनरत खड्का विद्यालयवाट घर फर्कने क्रममा पुस १२ गते देखि बेपत्ता भएका थिए । बेपत्ता भएका उनको दुई महिना पछि शव भेटियो । घटनाको बारेमा अनुसन्धान भैरहेको बताईएको छ ।
एउटा घटना सेलाउन नपाउँदै फेरी पनि एकपछि अर्को हत्या हुनु अनी दोषीहरु पक्राउ नपर्नुले जिल्लाको शान्ति सुरक्षा कमजोर भएको जिल्ला स्थित सरोकारवाला निकायहरुले बताउदै आएका छन । मेगराज खड्का, tulsipuronlineबाट साभार
Post a Comment