|
|
|
|
रोल्पा, ६-फागुन । रोल्पाको जेदबाङ गाउँमा आगलागि हुदा एक जनाको जलेर मृत्युभएको छ भने सातवटा घर जलेर नष्ट भएको छ ।
जिल्लाको जेदबाङ गाबिस ३ जेदबाङमा आगलागी हुँदा ६० वर्षीय नरबीर कुवँरको जलेर मृत्यु भएको हो । दृष्टिविहीन रहेका कुवँर घरभित्रबाट निस्कन नसकेर मृत्यु भएको प्रहरीले जनाएको छ । घटनामा सातवटा घर जलेर नष्ट भएका छन् ।
लालबहादुर कुवँरको दुईतले कच्ची घरबाट सल्किएको आगोले गाउँका सातवटै घर जलेका हुन् । बुधबार बेलुकीबाट आगलागी भएको र विहिबार विहानमात्रै पूर्णरुपमा नियन्त्रणमा आएको जिल्ला प्रहरी कार्यालय रोल्पाका प्रहरी नायव उपरीक्षक रमेश थापाले जानकारी दिए ।
खरका छाना भएका घरमा आगो निभाउन समस्या भएको थियो । लालबहादुर कुवँर, नरबहादुर कुवँर, प्रेम कुवँर, पशुराम कुवँर, भिमबहादुर कुवँर र बोदीलाल गिरीको घर जलेको छ । आगलागीबाट घरभित्रका अन्न, लत्ताकपडा, कागजात सबै नष्ट भएका छन् भने एक दर्जन बढी बस्तुभाउ पनि जलेर मरेका छन् ।
यसैविच जिल्ला दैवी प्रकोप उद्दार समिति रोल्पाले पीडितका लागि तत्काल राहत सामग्री पठाएको छ । प्रमुख जिल्ला अधिकारी मित्रलाल शर्माले चिउरा, चिनी र त्रिपाल, भाँडाकुडा, मृतकका परिवारलाई ४५ हजार रुपैयाँ र घर जलेका परिवारलाई पाँच हजारका दरले राहत पठाइएको जानकारी दिएका छन् । तुलसीपुरअनलाइनबाट साभार
Post a Comment