|
|
|
|
फागुन १५, तुलसीपुर । राप्ती अञ्चल अस्पताल तुलसीपुरमा एक ब्यवारिसे ब्यक्तिको डेढ महिना देखि उपचार भइरहेको छ ।
५५ देखि ६५ बर्ष सम्मको जस्तो देखिने यी यक्ति अस्पतालको बिरामी भर्ना कक्षको ८ नम्वर बेडमा गत पुष २२ गते भर्ना भएका हुन् । साथीहरुले लिएर अस्पतालको आकास्मीक कक्षमा छोडेर गएपनि पछि कोही सम्पर्कमा नआएको मेडिकल सुपरिटेण्डेन डा. भोलाराम श्रेष्ठले जानकारी दिए ।
प्यारालाइसिसका कारण मस्तिस्क घात भएर सिकिस्त अवस्थामा आएका यी ब्यक्ति उपचार पछि सामान्य अवस्थामा आएपनि आफन्त कोही नहुँदा डिस्चार्ज गर्न समस्या भएको डा. श्रेष्ठले बताए । धेरै समय पहिले नै डिस्चार्ज गर्न मिल्नेगरी स्वाथ्य सुधार भएपनि आफन्त कोही नहुँदा अस्पतालमै राख्नु परेको डा. श्रेष्ठले जानकारी दिनुभयो ।
उच्च रक्त चाँपका कारण प्यारालाइसिर भएर राम्रो सँग बोल्न नसक्ने अवस्थामा रहेका यी ब्यक्तिको नाम, घर र आफन्तबारे केही जानकारी नभएपनि बिरामी पूर्जामा रमेस नाम लेखिएको छ । हिडडुल गर्न समेत नसक्ने भएकाले उनले दिसा पिसाव बेडमै गर्छन् ।
जसका कारण दुर्गन्ध फैलिएर अरु बिरामीलाई पनि समस्या भएको छ । सोमबार सम्म सोही बेडमै रहेका यी बृद्धले दिसा पिसाव समेत बेडमै गर्दा वरपरका विरामीलाई दुर्गन्ध भएको भन्दै हाल १० नम्वर बेडमा सारिएको छ ।
यसैबीच बिरामी बृद्धको आफन्तो खोजिदिन प्रहरीलाई पटह पटक आग्रह गरेपनि इलाका प्रहरी कार्यालय तुलसीपुरले ब्यवास्ता गरेको अस्पतालका एक स्वाथ्यकर्मीले बताएका छन् । बिरामी भर्ना कक्षमा डिउटीमा रहेका ति स्वाथ्यकर्मीका अनुसार प्रहरीलाई पटक पटक आग्रह गरेपछि हुन्छ, आउँछौं, भन्ने जवाफ पाएपनि आफन्त खोज्न प्रहरीले कुनै सहयोग गरेको छैन ।
जीवन भर सन्तान र सम्पत्तिका लागि मरिहत्ते गर्ने बृद्धबृद्धाहरु जीवनको उत्तरार्धमा यसरी बेशाहारा हुँदा सन्तानलाई कलंकको उपमा दिनेहरुलाई बल मिलेको छ । त्यसैले मृत्यु पछि लोक धान्नका लागि तामझामका साथ काज किरिया गर्नुभन्दा जीवितहरुको स्याहार सुसार गरे मानवीय मुल्यलाई जोगाउन सकिने छ । -नारायण भण्डारी, तुलसीपुरअनलाइनबाट साभार
Post a Comment