|
|
|
|
फागुन २९, सल्यान । सल्यानको बडागाउमा बुधबार राति जलेको स्काभेटरमा आगो कसरी लागेको भन्ने कुरा छानविन गर्दै सडकको निर्माण कार्यलाई निरन्तरता दिन स्थानियबासीले ध्यानाकर्षण गराएका छन ।
सल्यान बडागाउँ ३ सल्लीटाकुरामा सडक थारमारे चौरजहारी सडक निर्माणमा प्रयोग गरिएको सुर्य कन्ट्रक्सन प्रा.लि.को बा १ क ७१७५ नम्बरको स्काभेटर मेशिन आगलागिका कारण नष्ट भएकोमा कारण खोज्न आग्रह गर्दै स्थानियले विज्ञप्ती जनाएका छन ।
स्थानिय राजनीतिक दल र सरोकारवालाहरुले विहिबार सर्वपक्षिय बैठक बसेर गल्ती गर्नेलाई कार्वाहिको दायरामा ल्याई सडक निर्माण कार्यलाई निरन्तरता दिन सम्बन्धित निकायलाई ध्यानाकर्षण गराएका छन । हाल थारमारे चौरजहारी सडकखण्डको कामलाई प्राथमिकतामा राखि का गरिरहेकोमा ३ दिन यता निमार्ण कार्य बन्द रहेको छ ।
बुधबार काम गरी सडकमा राखिएको स्काभेटरमा राती आगो बलिरहेको अवस्थामा स्थानियले देखेका थिए । गाविस प्रतिनिधि, विभिन्न राजनीतिक दलका प्रमुख तथा प्रतिनिधि र स्थानियवासीले संयुक्त विज्ञप्ती निकाली सडक निर्माण कार्यलाई तत्काल नियमित गर्न ध्यानाकर्षण गरेका छन ।
Post a Comment