|
|
|
|
सडक फराकिलो बनाउने क्रममा बाटो बिग्रेकाले झन्डै ६ महिनाको अन्तरालपछी आज (मंगलबार) देखि नियमित बस संचालनमा आएको छ । नाकाबन्दीको कारण झन्डै ३ महिना सडक मर्मत रोकिएकाले बस दाङबाट सल्यान र रोल्पाको सिमाना झ्यामसम्म मात्रै जाने गरेको थियो ।
सडक फराकिलो भएकाले बस चल्नलाइ कुनै समस्या नभएको र आजदेखि नियमित बस संचालन हुने सल्यान रुकुम यातायात ब्यबसायी समितिका कर्मचारी टेकम चन्दले जानकारी दिए । तर बस चलेपनि सडक फराकिलो बनाउने काम भने निरन्तर चलिरहने उनको भनाइ थियो । यस अघि २ घण्टा पैदल हिडेर जिनाबाङबासिहरु पाथीहाल्ना र झ्याम बाध्य थिए । अहिले बस सुखाओडार पुगेपछि आफुहरुलाई धेरै राहत मिलेको स्थानिबासी बताउछन ।
झ्याम देखि सुखाओडारसम्म ६ लेनको सडक बनाउन सुरु गरिएसँगै ३ ओटासम्म बस छिर्न सक्ने ब्याबसायी लालबहादुर के.सी बताउछन । अहिले सोहि सडकमा खोलानालामा कल्बट बनाउने र सोलीङको काम पनि जारि रहेको स्थानीयबासी जीव राज चन्दले जानकारी दिए ।
अहिले बस दाङबाट कपुरकोट, श्रीनगर, मोख्ला, दमाचौर, रोल्पा झ्याम हुँदै जिनाबाङ सुखाओडार सम्म आजदेखि नियमित संचालन हुनेछा । २०७१ माघ १७ गते पहिलो पटक बस सुखाओडार पुगेको थियो ।
Post a Comment