|
|
|
|
घोराही, २०-फागुन । दाङ जिल्ला उद्योग वाणिज्य संघले यही फागुन २१ देखी ३० गतेसम्म घोराहीमा आयोजना गरेको “दाङ व्यापारिक तथा पर्यटन महोत्सव एवं मध्यपश्चिम औद्योगीक कृषी मेला २०७२” को तयारी अन्तिम चरणमा पुगेको छ ।
महोत्सवकोलागी आवश्यक सम्पूर्ण तयारी करिब सकीएको र अब केही काम मात्र बाँकी रहेको महोत्सव आयोजक मूल समितिका संयोजक हेमराज बञ्जाडेले जानकारी दिएका छन् ।
“उद्योग व्यापार कृषी एव। पर्यटनको विकास परनिर्भरमूखी अर्थतन्त्रको निकास” भन्ने मूल नाराका साथ आयोजना गरिएको महोत्सवको लागी स्टल निर्माण, गेटहरु निर्माण, लगायत सम्पूर्ण कामहरु सम्पन्न भईसकेको बन्जाडेले बताए ।
यसैगरी विभिन्न उपसमितिहरुले पनि महोत्सवकालागी आवश्यक सम्पूर्ण काम सम्पन्न भईसकेको बताएका छन् । महोत्सवकालागी मुख्य मञ्च र केही स्टल निर्माणको काम बाहेक अन्य सबै तयारीको काम सम्पन्न भएको आयोजक मूल समितिका सहसंयोजक खड्गबहादुर बुढाथोकीले बताए । महोत्वकालागी जिल्लाका मुख्य सडकहरुमा स्वागत गेटहरु निर्माण गरिएको छ ।
यसैविच महोत्सवका विषयमा सल्लाह दिनकालागी गठन भएको सल्लाहकार समितिको बैठक बुधबार बसेको छ । समितिका संयोजक मधुसुदन वैद्यको अध्यक्षतामा बसेको बैठकले महोत्सव व्यवस्थित बनाउने विषयमा आयोजकलाई सल्लाह दिएको थियो ।
जस अनुसार सुरक्षा व्यवस्थालाई प्रभावकारी बनाउनुपर्ने, सम्पूर्ण उपसमितिहरुले आफ्नो जिम्मेवारी अनुसार काम गर्ने लगायतका सुझाव दिएका थिए । उनीहरुले महोत्सव सफल बनाउनकालागी आफुहरुको साथ सधै रहेको पनि बताएका छन् ।
साथै सल्लाहकार समितिको बैठकले प्रत्यक दिनको महोत्सवको मुल्यांकन गर्दै सल्लाह दिने पनि निर्णय गरेको छ । यसैविच महोत्सवको उद्घाटन राष्ट्रिय योजना आयोगका उपाध्यक्ष डा । युबराज खतिवडाले गर्ने तय भएको संघका अध्यक्ष बन्जाडेले जानकारी दिएका छन् । -तुलसीपुरअनलाइनबाट
Post a Comment