मालिका–कालिका प्रालि घोराही बुकिङ काउन्टरका इञ्चार्जले १५ लाखको लागि महराको हत्या गरेको खुलासा

तुलसीपुर, २५-चैत । दाङमा चैत १६ गते मृत फेला परेका विष्णु महराको हत्या भएको प्रहरीले बताएको छ । जिल्ला प्रहरी कार्यालयमा विहीवार पत्रकार सम्मेलन गरि ३८ वर्षीय महराको गाडिले किचेर विभत्स ढंगले गरेको अनुसन्धानबाट खुलेको जानकारी दिएको हो ।

महराको हत्या लेनदेनको विषयलाई लिएर भएको प्रहरीले बताएको छ । महराको हत्या मालिका कालिका प्रालि घोराहीका बुकिङ काउन्टरका इञ्चार्ज एवं दाङ सौंडियार ३ निवासी २९ वर्षीय ‘मिहाल’ भनेर चिनिने खिमबहादुर डाँगीले गाडिले किचेर गरेको जिल्ला प्रहरी प्रवक्ता प्रकास शर्माले पत्रकार सम्मेलनमा जानकारी दिए ।

डिएसपी शर्माका अनुसार महरावाट डाँगीले व्यक्तिगत रुपमा १५ लाख रुँपैया सापटी स्वरुप लगेको त्यहि रकमका कारण उनको हत्या भएको खुल्न आएको बताए । महराले मालिका –कालिका प्रालिको गाडि किन्ने भनेर विमा वाफत आवश्यक पर्ने ५ लाख रुँपैया दिनुपर्नेमा हत्याको अभियोग खेपेका डाँगीले १५ लाख रुँपैया लगेका थिए ।

उक्त कुरा महराले कास्किको पोखरामा हालै भएको मालिका–कालिका प्रालिको सार्वजनिक बैठकमा भनेपछि १० लाख रुँपैया फिर्ता गर्नु पर्ने भएपछि हत्या गरेको प्रहरीले जानकारी दिएको हो । रोल्पा जेदवाङ ३ स्थाइ घर भइ हाल आफन्तकोमा बस्दै आएका महराको हत्यागर्न आरोपित डाँगीले घोराही ११ निवासी निर्माण व्यवसायी पदम शर्माको वा ९ च २९३ नम्वर टोयटा हाइलक्स गाडि प्रयोग गरेको प्रहरीले पत्रकार सम्मेलनमा जानकारी दिएको छ ।

प्रहरीका अनुसार डाँगीले निर्माण व्यवसायी शर्मा संग एक घन्टामा गाडि आवश्यक परको छ भन्दै चैत १५ गते साँझ ८ बजेतिर उनको गाडि लगेको भएपनि दोस्रो दिन सम्मपनि फिर्ता गरेका थिएनन् । डाँगीले महरालाई गाडिले च्यापेर घाइते बनाएपछि पटक ÷पटक ब्याक गरेर हत्या गरेको देखिन आएको प्रहरीले बताएको छ ।

डाँगीले उक्त गाडि दाङको धर्नामा आगलागी भएको स्थानमा लगेको समयमा प्रहरीले गाडि सहित पक्राउ गरेको जानकारी दिएको छ । हत्या गरिएका महराले मालिका –कालिका प्रालिको गाडि किन्ने तयारी गरिहेको समयमा उनको हत्या भएको प्रहरीले बताएको छ ।

महराको हत्या लागु औषध ख्वाएर लठ्ठ पारेर भएको हो वा मदिरा ख्वाएर हत्या भएको भन्ने स्पष्ट पार्नको लागि उनको रगतको रिपोर्ट काठमाडौं पठाइएको प्रहरीले जनाएको छ । हत्याका आरोपित डाँगीलाई म्याद थप गरि अनुसन्धान सुरु गरिएको प्रहरीले जानकारी दिएको छ । तुलसीपुर अनलाइनबाट साभार

Disclaimer: Please note, this is only video embeding web Page. All of these videos found here from 3rd party video hosting sites such as YouTube.Com, Vimeo.Com, DailyMotion.Com, Blip.Tv, We do not host any videos. Please contact to appropriate video hosting site for any video removal.Please keep watching Hot Video News..