|
|
|
|
चैत २६, काठमाडौं । ०६९ असारमा एमाओवादीबाट अलग भएका मोहन वैद्य (किरण) नेतृत्वको नेकपा क्रान्तिकारी (माओवादी) को बैठक रुवाबासीदेखि गालीगलौजले भरिएको छ ।
१२ चैतदेखि जारी केन्द्रीय समिति बैठकमा अध्यक्ष वैद्य र नेता रामबहादुर थापा (बादल) को प्रस्तावमाथि आफ्नो धारणा राखेका नेता खुलेरै गालीगलौजमा उत्रिएपछि बैठक हल नै रुवाबासी र गालीगौजले भरिएको हो ।
१२ चैतदेखि जारी केन्द्रीय समिति बैठकमा अध्यक्ष वैद्य र नेता रामबहादुर थापा (बादल) को प्रस्तावमाथि आफ्नो धारणा राखेका नेता खुलेरै गालीगलौजमा उत्रिएपछि बैठक हल नै रुवाबासी र गालीगौजले भरिएको हो ।
एमाओवादीलगायत माओवादी घटकसँगको एकताको विषयमा मतभेद भएपछि नेताबीच रुवाबासीदेखि गालीगलौजसम्म भएको एक केन्द्रीय सदस्यले कमाण्डर पोष्टलाई जानकारी दिए ।
बैठकमा प्रवक्ता पम्फा भुसाल, कुलप्रसाद केसी, हितमान शाक्य, पथिकलगायतले पार्टीको कार्यदिशाबारे अनेक विवादमा फस्नुको साटो तत्काल एकता गर्नुपर्नेमा जोड दिएका छन् ।
यहाँसम्म कि नेता बादलको पक्षमा उभिएका कुलप्रसाद केसीले त रुन्चे स्वरमा एकता गर्नुपर्ने भन्दै एकताका लागि तयार हुनुको विकल्प नभएको बताए । ‘यहाँ बसेर न क्रान्ति हुन्छ , न संसदीय राजनीतिमा केही हुन्छ, भविष्य समाप्त हुन्छ, विगतका सबै योगदान र आन्दोलनबाट प्राप्त उपलब्धिसमेत गुम्छ ।
त्यसैले हामी एकतामा जानै पर्छ,’ बैठकमा उनले भने । दिनेश शर्मा, दिलीपकुमार प्रजापति र पवनमान श्रेष्ठले भने देव गुरुङको विरोध गर्दै पार्टीको पैसाले छोरा डाक्टर पढाउने र अहिले मन्त्री बन्न खुट्टा तान्ने भन्दै कडा रूपमा प्रस्तुत भएर वैद्यको प्रस्तावको पक्षमा समर्थन गरे ।
उनीहरूले नेता गुरुङको खुलेरै विरोध गरेपछि देव गुरुङकी श्रीमती तथा पार्टी पोलिटब्युरो सदस्य यशोदा सुवेदीले बढी निहुँ नखोज्न चेतावनी दिँदै निहुँ खाजे जे पनि हुनेसम्म बताइन् ।
बंगुर र कुखुरा फर्म चलाइरहेका केन्द्रीय सदस्य मौसम लिम्बूले त झन् अब जनवादी क्रान्तिको कार्यक्रम नै फ्याँक्नुपर्ने भनेर तर्क गरे ।वैद्य सैद्धान्तिक धरातलका आधारमा मात्रै एकता गर्नुपर्ने पक्षमा छन् ।
वैद्यको ध्यान प्रचण्डभन्दा बादलतिर गएको छ । वैद्यले बैठकबाट एकताका लागि ठोस पहल नचाले बादलको नेतृत्वमा बहुमत नेता–कार्यकर्ता एमाओवादीमा जाने लगभग निश्चित छ । कमाण्डर पोष्ट दैनिक
Post a Comment