|
|
|
|
सल्यान २५-चैत । राप्ती लोकमार्ग अन्तर्गत अबरुद्ध दाङ, सल्यान, अबरुद्ध रुकुम सडकखण्ड १२ घन्टा पछि खुलेको छ । रोल्पा सिमेन्ट प्रालिको १२ चक्के ट्रक कपुरकोट स्थीत विच सडकमै फसेपछि अबरुद्ध भएको सडक खण्ड ट्रकलाइ निकालेपछि सवा १० बजेतीर खुलेको हो ।
रोल्पा सिमेन्ट प्रालिको ना ६ ख ६६५ नम्बरको १२ चक्के लोड भएको ट्रकको अगाडीको भाग सडक भन्दा तल खसेको थियो । गएराती सवा १० बजेतीर मोड सानो भएकाले स्टेरिङ नकट्दा ट्रक फसेको चालक प्रेम थापाले बताउनुभयो ।
तनहूको आबुखैरेनी लैजान लागेको २१ टन क्लिङकर अनलोड गरेर जेसीबीको सहयोगमा ट्रक निकालिएको हो । सडक खुले पछि रोकिएका सयौँ गाडीहरु गन्तव्य स्थानतीर लागेका छन् ।
दाङ, सल्यान, अबरुद्ध रुकुम सडकखण्ड अन्तर्गत कपुरकोट क्षेत्रको सडकको छेउँतीरको सबै भाग भासिएको छ । यस अघि पनि धेरै गाडिहरु दुर्घटना हुनबाट बचेका छन् । छिटै सडकको स्तर उन्नती नगरेमा अझै ठूलो दुर्घटना हुन सक्ने सम्भावना रहेको छ । शँकर केसीबाट
Post a Comment