|
|
|
|
पक्राउ पर्नेमा दाङको देउखुरी निवासी पूर्ण खनाल र देउखुरीकै यमलाल पुजाली रहेको उक्त पार्टीले जनाएको छ । वडा प्रहरी कार्यालय लमहीका प्रमुख प्रेम खड्काले दुई जनालाई नियन्त्रणमा लिएको स्वीकार गरे ।
दुई जनामध्ये एक खनाललाई आइतवार साँझमा र पुजालीलाई सोमवार विहान मात्रै पक्राउ गरिएको इनिस्पेक्टर खड्काले बताए । पक्राउ परेकाहरु आगजनी गर्ने कार्यमा सम्लग्न भए नभएको वारेमा अनुसन्धान जारी रहेको खड्काले बताए । तर विप्लब माओवादीका दाङ जिल्ला सक्रेटरी सितलले भने पक्राउ परेका दुबै जना निर्दौश रहेको दाबी गरे ।
आफ्ना कार्यकर्तालाई प्रहरीले अनाहकमा दुःख दिने नियत राखेको उनले आरोप लगाए । पक्राउ परेका दुबै जनालाई तत्काल रिहागर्न उनले माग पनि गरे । उनले एनेसलको टावर आगजनीमा आफ्नो पार्टीको कुनै हात नभएको दाबी गरे ।
उनले भने ‘ हामीलाई थाँहै छैन , कस्ले गर्छ , कहाँ गर्छ तर हामीमाथि नै किन आरोप लगाइन्छ ?’ उनले गृहमन्त्रीले बोलेको कुरा आधारहिन भएको जिकिर गरे । जिल्लाका विभिन्न स्थानमा गरि हाल सम्म चारवटा एनसेलका टावरहरुमा आगजनी भइसकेको छ । स्रोत: तुलसीपुर अनलाइन
Post a Comment