|
|
|
|
आगामी असार १८ देखी २१ गतेसम्म रुकुमको सदरमुकाम मुसिकोट खलंगाको बराहटाकुरा स्थित सेमी कवर्डहलमा पहिलो पटक अन्तराष्ट्रिय स्तरको प्रतियोगीता हुन लागेको हो । नेपाल क्योकुसिन बुदो काई कराते एसोसियशन रुकुमले वुधवार मुसिकोट खलंगामा पत्रकार सम्मेलन गरी कार्यक्रमको वारेमा जानकारी गराएको छ ।
पत्रकार सम्मेलनमा जिल्ला अध्यक्ष मानवहादुर चदाराले प्रतियोगीतामा नेपालका २० बढी जिल्ला र भारतका गरी करिब डेड सय खेलाडीहरुले सहभागीता जनाउने वताउनुभयो । उहाँका अनुसार भारतबाट १० जना खेलाडीहरुले सहभागीता जनाउँने अपेक्षा गरिएको छ । प्रतियोगीतामा सहभागीता जनाउने खेलाडीहरुले विभिन्न तौल समुहमा प्रतिस्पर्धा गर्नेछन् ।
जिल्लामा बेला बेलामा भलिबल, फुटबल लगायतका खेलकुद प्रतियोगीताहरु संचानल हुने गरेपनि ठुलो प्रयासपछि मध्यपश्चिममै पहिलो पटक रुकुममा अन्र्तराष्ट्रिय कराते तथा किकवक्सिङ प्रतियोगीता आयोजना गरिएको अध्यक्ष चदाराले बताउनुभयो । अहिले प्रतियोगीताको तयारी स्वरुप रिङ व्यवस्थापन, प्रचार प्रसार, आर्थिक सहयोग संकलन लगायतका काम भैरहेको पनि आयोजकले जनाएको छ ।
रुकुमलाई अन्तराष्ट्रिय स्तरमा चिनाउँन प्रतियोगीताले महत्वपुर्ण योगदान पु-याउने आयोजकले विश्वास पनि लिएको छ । यस खेलका बारेमा जिल्लामा सबैलाई जानकारी नभएको अवस्थामा यसबारेमा जानकारी गराउन र जिल्लाको पर्यटन प्रवद्र्धनमा समेत प्रतियोगीता महत्वपुर्ण सावित हुने अध्यक्ष चदाराको भनाई छ ।
पछिल्लो समय जिल्लामा किक वक्सिङका खेलाडीहरु पनि उत्पादन भैरहेका छन् । राप्तीका अन्य जिल्लामा नभएपनि रुकुममा भने किकवक्सिङका खेलाडीहरु रहेको वताइएको छ । जिल्लाका खेलाडीहरुले राष्ट्रिय तथा अन्तराष्ट्रिय स्तरका विभिन्न प्रतियोगीताहरुमा सहभागीता जनाईसकेका छन् ।
गत वर्षको पौष १८ गते भारतमा भएको किकवक्सिङ प्रतियोगीतामा रुकुमबाट लोकेन्द्र चदारा, रमेश विक र टेकवहादुर विकले सहभागिता जनाई गोल्डमेडल र रजक पदक हात पारेका थिए । यसैगरी १० गतेबाट काठमाडौंमा हुन लागेको राष्ट्रिय प्रतियोगीतामा पनि रुकुमबाट २ जना खेलाडीले सहभागीता जनाउँदैछन् ।
पत्रकार सम्मेलनमा आयोजक एसोसियशन रुकुमका अध्यक्ष चदाराले प्रतियोगिता सफलताको लागी सवै क्षेत्रबाट सहयोगको अपेक्षा गरिएको समेत वताउनुभयो । सम्मेलनमा जिल्लामा क्रियाशिल पत्रकारहरुको उपस्थिति रहेको थियो । तुलसीपुर अनलाइनबाट साभार
Post a Comment