|
|
|
|
रा १ख९४७ नं को टिप्पर रोल्पाको होलेरी छेउँवाट चुनढुंगा लिएर आँउदै गर्दा दाङको सैघा गाविस २ तोषपेदीमा गएराति २ वजे दुर्घटना भएको थियो ।
दुर्घटनामा चालक, सहचालक र एक जना सवार व्यक्तिको घटनास्थलमै मृत्यु भएको दाङका प्रहरी प्रवक्ता डिएसी प्रकाशराज शर्माले जानकारी दिए । दुर्घटनामा मृत्यु भएका मध्य टिप्परमा सवार सैघा २ वस्ने १९ वर्षका अजय नेपालीको मात्रै सनाखत भएको छ ।
चालक र सहचालकको नाम ठेगाना खुल्न नसकेको प्रहरीले वताएको छ । दुर्घटनामा परी सैघा २ वस्ने १९ वर्षका खिमवहादुर सार्की गम्भिर घाइते भएका छन् । घाइते सार्कीको घोराहीमा प्रारम्भिक उपचारपछि थप उपचारका लागी नेपालगन्ज रिफर गरिएको छ ।
चिप्लो वाटो र लोड धेरै भएका कारण टिप्पर १ सय मिटर तल खसेको जिल्ला प्रहरी कार्यालय दाङले जानकारी दिएको छ । वर्षायाम लागेसंगै घोराही होलेरी सडकखण्ड हिलाम्य हुने गरेको छ । जसका कारण सवारी चालक र यात्रुहरुलाइ समस्या उत्पन्न हुने गरेको छ ।
Post a Comment