|
|
|
|
शुक्रवार अदालती गतिविधिका बारेमा जानकारी गराउने उद्देश्यले आयोजित पत्रकार भेटघाटमा विभिन्न शीर्षकमा दर्ता भएका मुद्दाहरु अधिकांश यही आ.व.मै दर्ता भएको र छोटो समयमै फर्छौट पनि भएको अदालतले जानकारी दिएको हो ।
बेचबिखन, बलात्कार जस्ता गम्भिर प्रकृतिका घटनाहरुको १३ थान मुद्दा परेको र त्यसमध्ये अब २ वटा मात्र फर्छौट हुन बाँकी रहेको जिल्ला न्यायाधीश बासुदेव न्यौपानेले जानकारी दिए ।
सामान्य खालका घटनाहरुको निवेदन लेख्नका लागि वकिलको आवश्यक नपर्ने अदालतबाट नमुनापत्र लिएर आफैँले पनि लेख्न सक्ने हुँदा आम नागरिकहरुलाई अदालतले दिएको सहयोगको सदुपयोग गर्न न्यौपानेले आग्रह समेत गरे ।
बालक मात्र संलग्न रहेका घटनाहरुको मुद्दा बाल विकासबाट हेरिने गरेको छ । अदालतद्वारा जनतालाई दिइने सेवा सुविधामा कुनै गुनासाहरु आएको खण्डमा जिल्ला अदालतले सुझावको रुपमा लिइ त्यसलाई सुधार गर्दै लैजाने न्यायाधीश न्यौपानेको भनाइ थियो । प्रवक्ता श्रेष्तेदार प्रेम प्रसाद न्यौपानेले हालसम्म भएका गतिविधिहरुको संक्षिप्त विवरण प्रस्तुत गरेका थिए । रातोपाटीबाट
Post a Comment