|
|
|
|
रोल्पा समाचार साप्ताहिकलाई माघ २४ गते दिएको उक्त अन्तरवार्तामा उनले आफूसँग दाङ र रोल्पामा घरघडेरी भएको र लाखौं आम्दानी गरेको बताएका छन् । उनले आफ्नो सम्पत्तीको फेरिहस्त पत्रिकाबाट समेत सार्वजनिक गरेपछि कतिपयले आश्चर्य ब्यक्त गरेका छन् । उनीहरुले सर्वहाराको मुक्तिको लागि हिँडेका क्रान्तिकारी नेताको यतिधेरै सम्पत्ती कसरी भयो भन्दै आश्चर्य व्यक्त गरेका हुन् ।यसो त उनको सम्पत्ती राजनीतिमा आएपछि बढेको देखिएको छ ।
उनीआफैंले पत्रिकालाई १२ वर्ष शिक्षण पेशा गर्दा १ लाख १२ हजार कमाएको र १० वर्ष राजनीति गर्दा ९७ लाख कमाएको बताएका छन् । अन्तरवार्तामा उनले भनेका छन्, ‘ मैले बाल कल्याण उमाविमा १२ वर्षसम्म अध्यापन गराएको थिए । १२ वर्ष पढाएको १ लाख १२ हजार तलब बुझेको रहेछु । २०४८ सालदेखि ५३ सालसम्म पनि सांसद बनेको थिए । फेरी २०६३ सालदेखि हालसम्म कुनै न कुनै पद तथा जिम्मेवारीमै छु । मैले आफैलाई पनि धेरै बुझेको छु होला भन्ने लागेको थियो तर पनि जम्मा ९७ लाख मात्रै बुझेको रहेछु ।’
उनले आफ्नो रोल्पाको लिवाङमा हालपनि पुख्र्यौली सम्पत्ति रहेको र त्यसलाई हाल पार्टीले प्रयोग गरिहको भन्दै भएको केहि जग्गा भने प्राबिधिक शिक्षाका लागि निशुल्क दान दिएको पनि उल्लेख गरेका छन् । उनले भनेका छन्, ‘ हाम्रो खेत थियो, त्यही खेत बेचेका थियौं । दुइभाई छोराहरू एटम र राहुल दुवै जनमुक्ति सेनामा कार्यरत थिए । अवकाशमा आउँदा बेलामा ५–६ लाख लिएर आएका थिए । सबै गरी ३० लाख भयो । दाङको गैरा गाउँमा घर पनि छ । हामी सबै परिवाहरू त्यही नै बस्दछौँ ।’
यस्तै उनले एमाओवादी शान्तिप्रक्रियामा आएसँगै जनमुक्ति सेनाको शिविर व्यवस्थापन गर्न रकम निकासा भएको र त्यो सोहि प्रयोजनमा खर्च गरिएको पनि बताएका छन् । ‘सबै पार्टीका नेताहरूले शिविर व्यवस्थापनका लागि २०६३ साल मंसिरदेखि चैत्रसम्म करिव ५ महिनासम्ममा ३१ हजार जनमुक्ति सेनाको व्यवस्थापनका लागि ४६ करोड रुपैया बुझेको थिए ।
त्यो पनि तत्कालीन सरकारको अनुरोधमा बुझेको थिए । त्यो महालेखा परीक्षक सबैले हिसाव हेरीसकेको अवस्था हो । एउटै व्यक्तिको नाममा ४६ करोड रुपैया निकास किन गरियो भन्ने मात्रै हो । अन्य केही पनि होइन ’ उनले भनेका छन् । पत्र काटिएसँगै आफू अख्तियारको सम्मान गर्दै त्यहाँ हाजिर भएको भन्दै उनले सत्य विवरण बुझाएको अन्तरवार्तामा उल्लेख गरेका छन् ।
बाबुरामको भूल
यसैबीच महराले बाबुराम भट्टराईले पार्टी छाडेर ठूलो भुल गरेको समेत दाबी गरेका छन् । उनले भनेका छन्, ‘ उहाँले बर्जुवा र पुजीपति वर्गहरूको सहकार्यमा नव उदारवाद सिद्धान्त अख्तियार गर्दै कम्युनिष्ट विचार, सिद्धान्त, आचरण सबै छोड्भएको छ । यसलाई हामीले उहाँले ठूलो भूल गर्नुभएको छ भन्ने निष्कर्षमा पुगेको छौँ ।’
यद्यपी बाबुरामको पार्टी परित्यागलाई अनौठो मान्नुपर्ने अवस्था नरहेको भन्दै उनले अन्तिममा संविधानप्रति विमति जनाएपनि संविधान निर्माण प्रक्रियामा भने सक्रियता देखाएको बताए ।
उनले कम्युनिट पार्टीमा नेपाली कम्युनिष्ट आन्दोलनले बेलैमा समीक्षा हुनुपर्ने भन्दै अगाडि भनेका छन्, ‘ वर्तमानको विभाजन राम्रो होइन । यसमा हामीले तिव्र बहस र विचार निर्माणलाई अगाडि बढाउनुपर्दछ ।
Post a Comment