|
|
|
|
यही जेठ २० गते दाङ प्रालिका सातवटा वसहरु राप्ती समितिमा भित्रिएका हुन । जो कुरा विघठित दाङ यतायात प्रालिका पूर्व अध्यक्ष पिताम्वर कँडेलले पनि स्वीकार गरेका थिए । त्यसपछि समिति नै कोल्याप्स भएको पनि उनले स्वीकार गरेका थिए ।
प्रालिका बा ३ ख ९६२१,
बा ३ ख ९६२२,
ना ६ ख ५३९,
ना ६ ख ५४०,
ना ६ ख ५४१,
ना ६ ख ५४२ र
ना ६ ख ५४३ नम्वरका वसहरु राप्ती समितिमा प्रवेश पछि राप्ती समितिकै नामवाट सञ्ञचालनमा आइसकेको राप्ती अञ्चल सार्वजनिक यातायात व्यवसायी समितिका सहसचिव शिवहरी गौतमले जानकारी दिए । तर राप्ती समितिले प्रालिका दुईवटा पुराना वसहरु भने प्रवेश नदिएको सहसचिव गौतमले बताए ।
राप्ती समितिले प्रवेश नदिएका प्रालिका ती दुई वटा पुराना वसहरु हाल त्यतिकै पार्र्किङगरी राखिएका छन् । ०७२ साल फागुन ११ देखि दाङ काठमान्डौंमा सेवा सुरु गरको प्रालिले त्यसको एक सय दिन नबिप्दै प्रालिका वसहरु राप्ती समितिमा प्रवेश गराएको हो ।
त्यसलगतै उसले प्रालि नै खारेज गरेको थियो । यो विचमा पहिलो पटक जिल्लामा प्रालि स्थापना गरि पुस १८ गते देखि सेवा सुरु गरेको मालिका –कालिका प्रालिका दुई वटा वसहरु राप्ती समितिमा प्रवेश गरिसकेका छन् । सहसचिव गौतमका अनुसार मालिका कालिका प्रालिबाट ना ६ ख ९२४ र ना ६ ख १६६३ नम्वरका वसहरु राप्ती समितिमा प्रवेश गरेर सञ्चालन हुँदै आएका छन् ।
प्रालिको वसहरुको रुट प्रमिट छैन : राप्ती समितिका सहसचिव गौतम
सोमवार मालिका -कालिका प्रालिका वसहरु मार्फत काठमान्डौं जानखोजेका यात्रुहरु काठमान्डौं जान सकेनन् । कारण थियो , प्रालिका बसहरुको सञ्चालनको लागि रुट प्रमिट नभएकोले स्थानीय प्रशासनले नै प्रालिका गाडीहरु सञ्चालनमा रोक लगाउनु ।
यातायात व्यवस्था विभागले मिति २०७३ बैशाख २६ गते आफना मातहतमा रहेका सबै यातायात प्रदायक संस्थाहरुलाई एक निर्देशन जारीगर्दै त्यो कार्यान्वयमा कडाई गरेको थियो । उक्त निर्देशनको बुँदा नं. ७ मा कम्पनीको नाममा रुट इजाजत लिई सेवा सञ्चालनगर्ने भन्ने शब्दावली उल्लेख छ । तर मालिका कालिका प्रालिले प्रालिको नाममा नभई सवारी धनीकै नामवाट रुट ईजाजत पत्रलिई गाडी सञ्चालन गर्दै आएको हुँदा हाल आएर समस्या उत्पन्न भएको राप्ती समितिका सहसचिव शिवहरी गौतमले जानकारी दिए ।
विभागको निर्देशन अनुसार प्रालि वा सहकारीमा दर्ता भएका कम्पनीहरुका नाममा सवारी साधन दर्ता भएको हुनुपर्ने अनिवार्य व्यवस्था गरिएको छ । तर प्रालिमा दर्ता भएका गाडिहरुको स्वामित्व बैंकको नाममा भई ऋणी प्रालि हुनुपर्नेमा ऋणी प्रालि नभइ व्यक्ति भएकोले रुट प्रमिटमा समस्या उत्पन्न भएको राप्ती समितिका पदाधिकारीहरु बताउँछन् ।
प्रालि बन्द गराउने षडेन्त्र सुरु भयो –अध्यक्ष पोख्रेल
मालिका-कालिका यातायात प्रालिका अध्यक्ष समुन पोख्रेलले आफुहरु संग बसहरु सञ्चालनको रुट प्रमिट भएको बताएका छन् । रुट प्रमिट नभएको भए हालसम्म आफना गाडीहरु चल्न नै नपाउने उनले बताए । तर उनले रुट प्रमिट वागमती अञ्चलवाट जारी गरी राप्ती अञ्चलमा सहमति ल्याइएको जानकारी दिए ।
अध्यक्ष पोख्रेलले राप्ती अञ्चल यातायात व्यवस्था कार्यालयले नयाँ नयाँ नियम ल्याएर आफुहरुलाई दुःख दिएर गलाउनले प्रयास गरिरहेको आरोप लगाए । आफुहरु हतोत्तसाहित नहुने बरु अबको ९ दिनपछि थप २५ वटा नयाँ वसहरु भित्र्याउन लागेको अध्यक्ष पोख्रेलले जानकारी दिए । मालिका-कालिका प्रालिलाई बन्द गराउने षडेन्त्रहरु सुरु भएको दाबी गरेका उनले त्यसको लागि ठूलो आर्थिक चलखेल भएको आशंका व्यक्त गरे ।
‘यातायात व्यवस्था विभाग, स्थानीय प्रशासन र ट्राफिकको पारा हेर्दा मान्छेले विरालो जन्माउनुपर्छ भन्ने खाले छ ’ अध्यक्ष पोख्रेलले थपे ‘दुई अढाई सयजनाको हुलहुल्लज ल्याएर गाडीको कागजपत्र हेर्ने र घेर्ने काम राप्ती समितिको हैन त्यो ट्राफिकले गरोस ।’ कहिले बैंक जाउ , कहिले मालपोत जाउ र कहिले के अनि कहिले के भनेर जसरी दुःख दिन खोजिएको त्यसका पछाडी ठूलो आर्थिक चलखेल रहेको उनले पटक पटक दोह-याएका थिए ।
यातायात व्यवस्था विभागको बुँदा नं. ७ को नयाँ नियमले पहिला गाडी साहु र प्रालिका विचमा करार हुनुपर्ने भन्ने व्यस्था भएपनि पछि साहु र बैंकका विचको करार नामा खोजियो र त्यसपछि हाल आएर मालपोत कार्यालयवाट प्रमाणित गर्नुपर्छ भन्ने नियम ल्याउनुले त्यही आशंका पैदा गरेको अध्यक्ष पोख्रेलले बताए । यातायात विभागले असम्वन्धित र मिल्दै नमिल्ने काम गराउन खोज्नुका पछाडी ठूलै रहस्य रहेको उनले आशंका व्यक्त गरे । स्रोत: तुलसीपुर अनलाईन
Post a Comment