|
|
|
|
सरकारले निर्धारण गरेको भन्दा झन्डै तीनगुणाका दरले उक्त सडकखण्डमा चल्ने यातायात व्यवसायीहरुले भाडा असुल्ने गरेका स्थानीयको भनाई छ । सल्यानको सल्लीवजार देखि रुकुम चौहरजारी सम्म ४१ किलोमिटरको सडकमा ५ सय भाडा तिर्नु पर्ने बाध्यता रहेको देवस्थलका देव बहादुर रानाले जानकारी दिए ।
‘कहि नभएको भाडा यो बाटोमा चल्ने गाडिहरुले लिने गर्दछन् ’,उनले भने, ‘ काम परेपछि जानै प¥यो यातायात व्यवासायीहरुले उठ्न नसक्नेगरी मारमा पारी रहेका छन् ।’
चर्को भाडा, कच्ची बाटो त्यसमा पनि गाडिमा तलमाथि मान्छे कोचेर राख्ने गरेको अर्का स्थानीय मर्म परिकाँडाका चन्द्र बहादुर रानाले बताए ।
एउटा गाडिमा कम्तिमा पनि ७० देखि ८० जनासम्म हुने गरेको उनको भनाई छ । चौहरजारी यातायात, वागेश्वरी, मध्यपश्चिम, भेरी र भेरी राप्ती बस व्यवसायीको सिण्डीकेटका कारण थप समस्या भएको स्थानीयहरुको भनाई रहेको छ ।
Post a Comment