|
|
|
|
उपड खापडको घोराहीको भुगोलमा पुराना रिक्सालाई परेसान् थियो । यात्रुहरुले धकेलेर उल्टो रिकसा बोके सरह हुन्थ्यो । त्यसलाई उछिन्दै अटो रिस्कसा आयो । बिस्तारै पुराना पैदलमार्ने रिक्सा देखिन छोडे ।
अटो रिक्सा पनि थाकेको भैसी खुड्कीलो चढ्न चुवु टेकाएर ठ्याँस ठयाँस् कन्द्राए जस्तै ट्यार ट्यार गर्न थाले । तिनलाई धकेल्नु नपरेपनि गौडामा वर्लीनु अनिवार्य थियो । भरतपुरमा रहेको होटल बेचेर गंगा बहादुर वलीले टेम्पो किन्नुभयो । वलीका अनुसार परिवारै दलिएर होटलमा काम गर्दा पनि उत्ती कमाई हुन्थ्यो । जती अहिले एक्लै टेम्पो कुदाउदा लाभ लिएका छन् ।
रकमको हिसाव किताव ठ्याक्कै यति भन्न नसकेपनि फाइदा परीवारले सुख पाएको छ । कमाई रिक्सा र अटो रिक्साले पनि गर्थे तर धेरै मेहनत लाग्थ्यो पसीना बगाउथे । यसरी टेम्पो चलाउनेहरु अहिले दाङमा ३० बढि पुगेका छन् । तिनलाई व्यवस्थित गर्न प्रालिको संरचनामा जान लागेको बताईएको छ । श्री बराहक्षेत्र टेम्पो यातायात सेवा प्रालि नाममा दर्ता गरीएको सह–सचिव उमेश न्यौपानेले जानकारी दिनुभयो । उहाँका अनुसार चढ्दा खेरी यात्रुले सुविधा युक्त कारको अनुभव गर्छन् । छिटो छरीतो भएको ठान्छन् । त्यसैले खुशि हुन्छन् ।
चालकहरुले संगालेको अनुभवका अनुसार आबश्यकता अनुसार कुदाउन सकिन्छ । उकालो वरालोमा खास्सै असर पर्दैन । कच्ची पक्कि सडक भनेर थोरै फरक भएपनि चलाउनै अफ्ठेरो पार्दैन ।
त्यसैले पनि चालकहरु उत्साहित भएका छन् । सवार यात्रुहरुले पनि थोरै जना लामो सफर गर्दा खुशि हुन्छन् । पैदल रिक्सा, अटो रिक्सा लगाएत अन्य साना सवारी साधन भन्दा कम भाडादर भएको टेम्पो चालकले दावि गरेका छन् ।
त्यसैले पनि आकर्षण बढेको बताए । बजार बाहिरका बस्तिमा नियमित टेम्पो लगाउने रुट प्रमिट दिने तयारी गरीएको जानकारी दिए । त्यसो गरेमा घोराही नजीकका गाउहरुलाई सहुलियतमा बजार संग जोडिने छ।
चालकहरु दिएको जानकारी अनुसार टेम्पोको १० लिटर क्षमताको टंकि हुन्छ । नपुगेपछि जहा पेट्रोल पाईन्छ हाल्न सकिन्छ । जति सकिदो कुदाउन सकिन्छ । लुम्बिनी, सल्यानको थारमारे सम्म पनि टेम्पो पुगेको जानकारी दिए ।
साना गल्लीमा पनि अटाउन सकिने भएकाले बजारका सबै क्षेत्रमा उपयोगी छ । सबै किसिमका बाटामा कुदाउन सकिने भएकाले पनि टेम्पो आकर्षक बनेको चालहहरुको भनाई छ । एम्वुलेन्स छिर्न नसक्नेमा टेम्पो लैजान सकिन्छ । त्यसैले एम्बुलेन्सको गतिमा चल्ने सानो ठाउमा छिर्नाले अझ उपयोगी टेम्पो देखिएको छ ।
सरकारले तोकेको युरो मापदण्डको टेम्पो भएकाले धुवा तथा ध्वनी पद्रदुशन नभएका ऊँ नि ईन्टरप्राईजेज घोराहीका सञ्चालक प्रभात भञ्डारीले जानकारी दिनुभयो । उहाँले दिएको जानकारी अनुसार गत माघ एक गते दाङमा टेम्पो भित्रिएको हो । अहिले तिस वटा बढि विक्री भएका छन् । चालकलाई लाईसेन्स ब्लुवुक चाहिन्छ ।
ईन्स्योरेन्सको सुविधा छ । चालक सहित चार जना चढ्न मिल्ने क्षमताको छ । पाँच लाख ३७ हजार बिमा सहित रकमको मुल्य लाग्छ । स्पिड धेरै भएको, उकालो वरालाको असर नदेखिने भएकाले कमाउन कठिन छैन ।
‘यसले विदेश जान थालेका धेरैलाई रोकेको छ’ ईन्टरप्राईजेजका सञ्चालक भण्डारीले भन्नुभयो, ‘तुलसीपुर लमहि सबैतिर फैलिने क्रममा छ । धेरैले रोजगारी पाउँछन् ।’ उहाका अनुसार यसले बजारमा सात कवीन्टल सम्म भारी वसार्न सक्ने क्षमता राख्छ ।
दैनिक तिन चारहजार सम्म कमाई दिनेगरेको छ । ईटालियन ब्राण्डको टेम्पो हो । बातावरण मैत्री छ । अब चाडै लोडर ल्याउन लागेको भण्डारीले जानकारी दिनुभयो । टेम्पो चढ्ने यात्रु र चलाउने चालक दुबै खुशि दिने गरेको छ । गल्ली गल्लीका सबैतिर टेम्पो कुदिरहेको दृश्य देख्न सकिन्छ । फल्याशखबरबाट साभार
Post a Comment